नवप्रभा (गोवा) - मुख्य पान

बांदोडकर जन्मशताब्दी सोहळ्याचे उद्‌घाटन करताना मधु मंगेश कर्णिक. बाजूला इतर मान्यवर

नरेंद्र मोदींना न्यायालयात हजर राहण्याचा आदेश गोध्रा दंगलप्रकरण गोध्रा दंगलीनंतर तब्बल आठ वर्षांनी मोदी यांना अशा चौकशीला सामोरे जावे लागत आहे. अहमदाबादमध्ये दंगलींना प्रोत्साहन आणि मदत केल्याचा आरोप मोदींच्या प्रशासनावर केला गेला आहे. त्याबाबतच्या तक्रारीबाबत मोदींना विशेष चौकशी पथक प्रश्न विचारणार आहे. अशा प्रकारे चौकशीला सामोरे जाणे ते पहिलेच मुख्यमंत्री ठरतील.

भाऊसाहेबांची कन्या असल्याचा अभिमान : शशिकलाताई गोव्याचे भाग्यविधाते व पहिले मुख्यमंत्री भाऊसाहेब बांदोडकर यांचे जन्मशताब्दीवर्ष आज दि. 12 मार्चपासून सुरू होत आहे. भाऊंनी जीवनात मानवजातीच्याच कल्याणाचा विचार केला. ठरावीक वर्ग, समाज असा विचारच केला नाही. त्यामुळे त्यांच्या जन्मशताब्दी वर्षाचा कार्यक्रम करण्यास सरकार तसेच समाजातील सर्व घटक आणि राजकीय पक्ष सहभागी झाले आहेत. अशा पित्याची कन्या म्हणून आपल्याला अभिमान वाटत असल्याचे माजी मुख्यमंत्री शशिकला काकोडकर यांनी सांगितले.

भाऊसाहेबांनी बहुजन समाजाला सत्तेची दारे उघडून दिली : मधु मंगेश कर्णिक गोव्याचे पहिले मुख्यमंत्री भाऊसाहेब बांदोडकर म्हणजे माणसावर माणुसकीने प्रेम करणारे राज्यकर्ते होते, त्यांनी बहुजन समाजाला सत्तेची दारे उघडून दिली, असे प्रतिपादन सुप्रसिध्द साहित्यिक मधु मंगेश कर्णिक यांनी केले. म्हापसा येथे भाऊसाहेब बांदोडकर जन्मशताब्दी समारोह समितीने आयोजित केलेल्या कार्यक्रमात ते बोलत होते.

भाऊसाहेब जन्मशताब्दी सोहळ्‌याचा आज शुभारंभ गोव्याचे भाग्यविधाते भाऊसाहेब बांदोडकर यांच्या जन्मशताब्दी सोहळ्‌याचा शुभारंभ आज संध्याकाळी 4 वाजता कांपाल येथील कार्यक्रमात होणार आहे. या कार्यक्रमास प्रमुख पाहुणे म्हणून महाराष्ट्राचे मुख्यमंत्री अशोक चव्हाण, राज्याचे मुख्यमंत्री दिगंबर कामत, विरोधी नेते मनोहर पर्रीकर व अन्य अतिथी उपस्थित राहणार आहेत.

सेंट झेव्हियर्स महाविद्यालयाच्या सुरक्षारक्षकाला चरसासह अटक गोव्यातील महाविद्यालयांतही अमली पदार्थांची विक्री केली जात असल्याचे आता उघड होऊ लागले आहे. परवा रात्री 11.30 ते 2 वाजण्याच्या दरम्यान अमली पदार्थविरोधी विभागाच्या पोलिसांनी म्हापसा येथील सेंट झेव्हियर्स महाविद्यालयाच्या मुख्य फाटकाजवळ अमली पदार्थांसह सदर महाविद्यालयाचा सुरक्षारक्षक बहादूर भगत सिंह (नेपाळ) याला अटक केली. त्याच्याकडून 800 ग्रॅॅम एवढा चरस जप्त करण्यात आल्याचे अमली पदार्थ विरोधी विभागाचे अधीक्षक विष्णू बन्सल यांनी सांगितले.

महिला विधेयकासंबंधी विरोधकांशी चर्चेचा प्रस्ताव महिला आरक्षण विधेयक लोकसभेतही संमत व्हावे, यासाठी सरकारने आता कंबर कसली असून सर्व पक्षांशी या विधेयकाबाबत सल्लामसलत केली जाईल व सात राज्यसभा खासदारांचे निलंबन रद्द करण्यासंबंधी चर्चा केली जाईल असे सांगण्यात आले. लोकसभेत विधेयक मांडण्यापूर्वी सर्वांशी चर्चा करण्याची पंतप्रधान डॉ. मनमोहन सिंग यांची तयारी असल्याचे वित्तमंत्री प्रणव मुखर्जी यांनी सांगितले.

बायंगिणीत बस अपघात; नऊ प्रवासी जखमी आखाडा ते पणजी असा प्रवास करणाऱ्या एका खासगी बसला बायंगिणी येथे झालेल्या अपघातात नऊ प्रवासी जखमी झाले. जखमींपैकी एक वृध्द महिला आणि एका किशोरवयीन मुलीचा हात मोडल्याने त्यांना उपचारासाठी गोमेकॉ इस्पितळात दाखल करण्यात आले आहे. ऍना रोझा वालेर (70) आणि व्हेलिना सिल्वेरा (15) अशी त्यांची नावे आहेत. किरकोळ जखमी झालेल्या अन्य प्रवाशांची नावे खालीलप्रमाणे आहेत. राजकुमार रामलखन प्रसाद (20), बसवराज कुल्ल्या (39), परमेश खर्नाटे (26), इस्तेम आफोन्सो (17), आर्वेलिना गोमीश (21), फेनेलिना वालेरा (21) व सरिता धाकले (28).

राज्यात किमान वेतन 103 वरुन 150 रु. किमान वेतन 103 रु. वरुन 150 रु.पर्यंत वाढवण्यात आल्याची माहिती कामगार मंत्री ज्योकीम आलेमांव यांनी काल येथे घेतलेल्या पत्रकार परिषदेत दिली. राज्य किमान वेतन सल्लागार मंडळाच्या बैठकीत सदर निर्णय झाल्याचे त्यांनी सांगितले.

इडीसीला पायाभूत सुविधा क्षेत्रात गुंतवणुकीची संधी देण्याचा विचार राज्याच्या औद्योगिक विकासात गोवा आर्थिक विकास महामंडळाचे फार मोठे योगदान असून इडीसीचा व्याप वाढवून पायाभूत सुविधा क्षेत्रात गुंतवणूक करण्याची संधी इडीसीला देण्याचा विचार सरकार करत असल्याचे मुख्यमंत्री दिगंबर कामत यांनी काल सांगितले.

मोहम्मद युसूफ युनूस खान शोएब मलिक राणा नावेद

मोहम्मद युसुफ आणि युनूस खानवर पाक क्रिकेट मंडळाकडून आजीवन बंदी शोएब मलिक, राणा नावेद वर्षभरासाठी संघाबाहेर ऑस्ट्रेलिया दौऱ्यातील संघाच्या लाजिरवाण्या कामगिरीमुळे पाकिस्तानी क्रिकेट मंडळाने दौऱ्यात खराब खेळ करून संघाशी दगाबाजी केलेल्या खेळाडूंवर धडक कारवाई केली. मोहम्मद युसूफ आणि युनूस खान या दोन आजी-माजी कर्णधारांवर आजीवन बंदी लादली तर आणखी एक माजी कर्णधार शोएब मलिक आणि राणा नावेद उल हसन यांच्यावर वर्षभरासाठी बंदी घातली आहे.

अटालाचा ताबा गुन्हे अन्वेषण विभागाकडे सहा दिवस कोठडी अमली पदार्थप्रकरणी हवा असलेल्या ड्रगडिलर अटाला याला काल गुन्हा अन्वेषण विभागाने आपल्या ताब्यात घेतले. काल त्याला न्यायालयापुढे उभा करून सहा दिवसांची पोलीस कोठडी देण्यात आली. कटकारस्थान आणि भ्रष्टाचाराचे आरोप त्याच्यावर ठेवण्यात आले आहेत, असे पोलीस उपमहानिरीक्षक रवींद्र यादव यांनी काल सांगितले.

आशिश शिरोडकर व साईश पोकळेविरुध्द एफआयआर अमली पदार्थांच्या दलालांशी साटेलोटे असल्याच्या आरोपांवरून निलंबित करण्यात आलेले पोलीस निरीक्षक आशिश शिरोडकर व शिपाई साईश पोकळे यांच्याविरुध्द भ्रष्टाचार प्रतिबंधक कायद्याच्या कलम 7, 11 व 12 खाली काल गुन्हा अन्वेषण विभागाने एफआयआर नोंद केल्याची माहिती पोलीस उपमहानिरीक्षक रवींद्र यादव यांनी काल पत्रकार परिषदेतून दिली.

सरकारविरुद्ध अविश्र्वास ठराव आणण्याचा विचार नाही ः लालू सरकारविरुद्ध अविश्र्वास ठराव आणण्याचा विचार नसल्याचे राष्ट्रीय जनता दलाचे नेते लालूप्रसाद यादव यांनी काल सांगितले. अशा प्रकारचा ठराव संमत करण्यासाठी पुरेेसे संख्याबळ नसल्याचे ते म्हणाले. दरम्यान, समाजवादी पक्षाचे नेते मुलायमसिंग यादव यांनीही संयुक्त पुरोगामी आघाडी सरकारविरुद्ध अविश्र्वास ठराव दाखल करण्याचा विचार नसल्याचे सांगितले. पक्षाच्या संसदीय मंडळाच्या बैठकीनंतर बोलताना ते म्हणाले की सरकारला दिलेला बाहेरून पाठिंबा काढून घेण्याच्या निर्णयाला मात्र या बैठकीत दुजोरा दिला गेला.

"त्या सातजणांनी माफी मागितल्यास निलंबन मागे' राज्यसभेत गैरवर्तन केल्याबद्दल निलंबित करण्यात आलेल्या सात सदस्यांनी सभाध्यक्ष हमीद अन्सारी यांच्याकडे माफी मागितली तर त्यांचे निलंबन मागे घेण्याबाबत सरकार विचार करू शकते, असे प्रतिपादन संसदीय व्यवहारमंत्री पवनकुमार बन्सल यांनी काल केले.

गोमंतकीय जनता कॉंग्रेसबरोबरच असल्याचे सिध्द : सुभाष शिरोडकर नुकत्याच झालेल्या जिल्हा पंचायतीच्या निवडणुकीत उत्तर आणि दक्षिण या दोन्ही जिल्ह्यांमध्ये 49पैकी 28 मतदारसंघांत कॉंग्रेसचा पाठिंबा असलेले उमेदवार निवडून आल्याने गोमंतकीय जनता कॉंग्रेसबरोबरच असल्याचे पुन्हा एकदा सिध्द झाले आहे, असे कॉंग्रेसचे प्रदेशाध्यक्ष सुभाष शिरोडकर यांनी काल पत्रकारांना सांगितले.

राष्ट्रवादीशी युती करण्याची आवश्यकता नाही : चर्चिल जिल्हा पंचायत निवडणुकीत कॉंग्रेसने राष्ट्रवादी कॉंग्रेसशी युती न करण्याचा निर्णय घेतला होता. गोवा सरकारलाही त्यांच्याशी युतीची आवश्यकता नाही. त्यांनी पाठिंबा काढून घेतला तर कॉंग्रेस विधानसभा निवडणुकांना सामोरे जायला तयार आहे. त्यांच्याशिवाय विजयी होऊ, असे सार्वजनिक बांधकाम मंत्री चर्चिल आलेमाव यांनी काल पत्रकार परिषदेत सांगितले. चर्चिल यांच्या या विधानामुळे उभय पक्षांत तणाव उफाळण्याची शक्यता आहे.

h3>रॅबीजमुळे दोघांचा मृत्यू झाल्याची डिचोलीत भीती डिचोली परिसरातील दोघांना कुत्रा चावल्याने रॅबीज रोगाची लागण होऊन त्यांचा मृत्यू झाल्याची भीती व्यक्त करण्यात येत आहे. या प्रकरणी प्रशासन आणि आरोग्य खात्याने तातडीने उपाययोजना करण्याची गरज निर्माण झाली आहे.

गोव्यातील सेझ न्यायप्रविष्ठ; अद्याप रद्द नाहीत : सिंदीया गोव्यातील तीन अधिसूचित करण्यात आलेले "सेझ' प्रकरण न्यायप्रविष्ठ असल्याने ते अद्याप रद्द करणे शक्य झालेले नाही, असे केंद्रीय वाणिज्य व औद्योगिक राज्यमंत्री ज्योतिरादित्य सिंदीया यांनी काल राज्यसभेत खासदार शांताराम नाईक यांना सांगितले.