दोन वर्षांनंतर ‘गुमनाम’

Primary tabs

देविका जोशी, कॉलेज क्लब रिपोर्टरअभिनेत्री मधुरा वेलणकर दोन वर्षांनंतर 'गुमनाम है कोई' या नाटकातून प्रेक्षकांसमोर आली आहे. दोन वर्षांत जवळपास बारा नाटकं तिनं वाचली. पण त्यापैकी एकही तिला आवडलं नाही. त्यानंतर हे नाटक तिच्यासमोर आलं. 'या नाटकात थ्रिल आहे. वाचताक्षणी हे नाटक मला आवडलं', असं मधुरा सांगते.'हा शेखर खोसला कोण आहे?' या नाटकानंतर ती वेगळ्या भूमिकेत प्रेक्षकांना दिसतेय. मनाच्या विविध कंगोऱ्यांवर हे नाटक भाष्य करतं. या नाटकात मधुरा एक प्रथितयश लेखिका असून, ती एका मुलाची आई आहे. 'या नाटकात मी पहिल्यांदाच वेगळी वेशभूषा केली आहे. शिवाय काही अॅक्शन दृश्यंसुद्धा नाटकात आहेत. ते सांभाळून त्या व्यक्तिरेखेच्या भावना प्रेक्षकांपर्यंत पोहोचवणं हे माझ्यासाठी आव्हानात्मक होतं', असं मधुरानं सांगितलं. तालमीदरम्यान एकच सीन दोन-तीन वेळा करून पाहिल्यामुळे भूमिकेचा नेमका सूर सापडण्यास मदत झाली. या नाटकानं अभिनेत्री म्हणून मला आणखी समृद्ध केलंय.- मधुरा वेलणकर, अभिनेत्री नेहमी वेगळी नाटकं देण्याचा भद्रकालीचा प्रयत्न असतो. हे नाटक ही आमची ५७वी कलाकृती आहे. नाटकातला आशय जास्त महत्त्वाचा असतो. नाटकाच्या नावावरून ते रहस्यमय असल्याचं लक्षात येत असलं, तरी नाटकात कथेची मांडणी खूप वेगळ्या पद्धतीनं केली आहे.- प्रसाद कांबळी, अध्यक्ष, अ.भा. नाट्यपरिषद आणि निर्माता नात्यांचा योगायोगमधुरासाठी हे नाटक खास आहे. लेखिका शिल्पा नवलकर ही मधुराची इंडस्ट्रीतली पहिली मैत्रीण. नाटकात मधुराच्या मैत्रिणीची भूमिका साकारणारी अभिनेत्री प्राजक्ता दातार मधुराची वहिनी आहे. या नाटकाच्या निमित्तानं त्या दोघी पहिल्यांदा एकत्र काम करताहेत. नाटकाची वेशभूषा, जाहिरात यांची जबाबदारी मधुराची बहीण मीरा वेलणकरनं सांभाळली आहे.
मोबाइल अॅप डाउनलोड करा आणि राहा अपडेट