बदलापुरात पंडित मनोहर चिमोटे संगीत महोत्सव

Primary tabs

ठाणेहार्मोनियम या पाश्चात्य वाद्याला भारतीय रुप देऊन तिला संवादिनीच्या रुपात भारतीय संगीताच्या दरबारात मानाचे स्थान मिळवून देणारे पंडित मनोहर चिमोटे यांच्या स्मतिप्रित्यर्थ बदलापूर येथे रविवार, दिनांक २७ जानेवारी रोजी 'पंडित मनोहर चिमोटे स्मृती संगीत महोत्सव' या संगीतमय कार्यक्रमाचे आयोजन करण्यात आले आहे. या महोत्सवातील रसिकांचे मुख्य आकर्षण असणाऱ्या गझलनवाज पंडित भीमराव पांचाळे यांच्या 'ग़ज़ल मैफल' या गझल गायनाच्या कार्यक्रमाने महोत्सवाची सांगता होणार आहे.आलाप संगीत अकादमीने बदलापुरातील गायत्री गार्डन, कात्रप येथे आयोजित केलेल्या या एक दिवसीय संगीत महोत्सवात दिवसभर विविध संगीतमय कार्यक्रमांची रेलचेल असणार आहे. पंडित मनोहर चिमोटे यांचे शिष्य मझहर शेख यांच्या संवादिनी वादनानं कार्यक्रमाची सुरुवात होणार आहे. हा कार्यक्रम सकाळी १० वाजता सुरू होणार आहे. त्यानंतर सकाळी ११ वाजता शास्त्रीय गायिका बागेश्री रमाकांत यांच्या गायनाचा आनंद रसिकांना लुटता येणार आहे. या प्रथम सत्राच्या अखेरीस दुपारी १२ वाजता प्रसिद्ध संतूरवादक उस्ताद अब्रार अहमद यांचे संतूरवादन होईल.महोत्सवाच्या दुसऱ्या सत्राची सुरुवात संध्याकाळी ५ वाजता पंडित चिमोटे यांचे शिष्य राजेंद्र वैशंपायन यांच्या एकल संवादिनी वादनानं होणार आहे. तर, संध्याकाळी ७ वाजता गझलनवाज पंडित भीमराव पांचाळे यांच्या गझल मैफिनीनं संगीत महोत्सवाचा समारोप होणार आहे.या महोत्सवात श्रीधर पाटील, कडोंमपाचे आयुक्त गोविंद बोडके, विक्रम वैद्य, अत्युत जोशी आणि सुधाकर पैठणकर यांची प्रमुख उपस्थिती असणार आहे. या संगीत महोत्सवात रसिकांना प्रवेश विनामुल्य ठेवण्यात आला असून बदलापूर नगरीत प्रथमच आयोजित करण्यात आलेल्या या संगीत महोत्सवात रसिकांनी मोठ्या संख्यने उपस्थित राहावे, असं आवाहन आयोजकांनी केलंय. 67641935

मोबाइल अॅप डाउनलोड करा आणि राहा अपडेट