निवडणूकीत उमेदवारी मागे घ्यायला लागली या रागातून खून

देवरूख ( रत्नागिरी ) - खडीओझरे ग्रामपंचायत निवडणुकीतील उमेदवारास थंड पेयातून विष देऊन त्याला ठार मारण्यात आले होते. हा प्रकार 21 डिसेंबर 2017 रोजी घडला होता.  उमेदवारी मागे घ्यायला लागली याचा राग मनात ठेऊन हे कृत्य करण्यात आले आहे. या प्रकरणी देवरूख पोलिसात आज गुन्हा दाखल झाला. प्रयोगशाळेतून अहवाल उशिरा आल्याने गुन्हा दाखल करण्यास एवढे दिवस लागल्याची माहिती देवरूख पोलिसांनी दिली.

एसबीआयची मोबाईल चार्जिंग संदर्भात महत्त्वाची सूचना; होऊ शकते डेटा चोरी!

नवी दिल्ली : आपण अनोळख्या ठिकाणी असल्यास मोबाईलची बॅटरी डाऊन झाली तर मोठी अडचण होते. संपर्काचे पर्याय काही प्रमाणात बंद पडतात. मात्र, त्यावेळी आपण इतर ठिकाणी मोबाईल चार्जिंगला लावतो. पण हे करणं तुम्हाला चांगलेच महागात पडू शकते. आपल्या खात्यात असलेली रक्कम गायब करता येऊ शकते. याबाबतच्या सूचना देणारे पत्रकच भारतीय स्टेट बँकेकडून जारी करण्यात आले आहे. 
ताज्या बातम्यांसाठी डाऊनलोड करा ई-सकाळचे ऍप

शिवसेनेशी बोलणी होणार; चंद्रकांत पाटील बोलणार ! 

सांगली -  भाजपचे प्रदेशाध्यक्ष चंद्रकांत पाटील यांच्यावर पुन्हा एकदा शिवसेनेसोबत बोलणी करण्याची वेळ आली आहे. ते त्यासाठी तयार आहेत. शिवसेना नेत्यांशी ते बोलणार आहेत. भाजपसोबत त्यांनी सत्तेत रहावे, असे आवाहन करणार आहेत. त्यासाठी पुढील आठवड्यात बैठक होणार आहे... 

CAB : सुधारित कायद्याची अंमलवजावणी नाही; प. बंगालमध्येही आंदोलनाचा भडका

उलुबेरिया (पश्‍चिम बंगाल) : नागरिकत्व दुरुस्ती विधेयक (CAB) आणि प्रस्तावित राष्ट्रीय नागरिक नोंदणीच्या (एनआरसी) निषेधार्थ पश्‍चिम बंगालमधील उलुबेरिया येथे हजारो मुस्लिम नागरिकांनी रस्त्यावर उतरून आज आंदोलन केले. या वेळी आंदोलकांनी राष्ट्रीय महामार्ग क्रमाक सहा रोखून धरला होता.
ताज्या बातम्यांसाठी डाऊनलोड करा ई-सकाळचे ऍप

कांदळगाव सोसायटीच्या माजी अध्यक्षांची आत्महत्या 

मालवण ( सिंधुदुर्ग ) - कोळंब येथील रहिवासी, कांदळगाव विविध कार्यकारी सोसायटीचे माजी अध्यक्ष, खापरेश्‍वर देवस्थानचे विश्‍वस्त हेमकांत ऊर्फ पपन यशवंत मेथर (वय 56) यांनी रेवंडी गोठण येथील दोन वड येथे गळफास लावून आत्महत्या केली. हा प्रकार आज सायंकाळी उघडकीस आला. त्यांचा मृतदेह पाहिल्यानंतर दोन दिवसांपूर्वी त्यांनी आत्महत्या केल्याचे स्पष्ट झाले. त्यांच्या आत्महत्येची माहिती मिळताच कोळंबसह, तालुक्‍यात मित्रपरिवारांमध्ये एकच खळबळ उडाली आहे.