राज्यात २४३६ नव्या बाधितांची भर; ६० रुग्णांचा दिवसभरात मृत्यू

मुंबई: राज्यात आज २४३६ नवे करोनाबाधित रुग्ण सापडल्याने राज्यातील करोना रुग्णांची संख्या ५२ हजार ६६७वर पोहोचली आहे. राज्यात आज दिवसभरात ६० रुग्ण दगावले आहेत. त्यात एकट्या मुंबईतच ३८ जणांचा करोनाने मृत्यू झाला आहे. दिलासादायक बाब म्हणजे राज्यात आज ११८६ रुग्ण करोनामुक्त झाले असून त्यांना डिस्चार्ज देण्यात आला. आतापर्यंत राज्यभरात १५ हजार ७८६ रुग्ण बरे झाले आहेत.राज्यात सध्या ३५ हजार १७८ रुग्णांवर उपचार सुरू असल्याचे आरोग्यमंत्री राजेश टोपे यांनी आज सांगितले. आज एका दिवसात राज्यभरातून ११८६ रुग्णांना घरी सोडण्यात आले. त्यामध्ये सर्वाधिक ९०० रुग्ण मुंबईतील आहेत.

पृथ्वीराज चव्हाण यांच्या 'त्या' वक्तव्यावर शिवसेनेचा 'प्रेमळ' सल्ला!

मुंबई: 'राज्यात आमचे नाही शिवसेनेचे सरकार आहे', असे काँग्रेस नेते पृथ्वीराज चव्हाण कार्यकर्त्याला सांगत असल्याची एक ऑडिओ क्लिप व्हायरल झाली असून यावर राज्याचे नगरविकास मंत्री व शिवसेनेचे विधानसभेतील गटनेते एकनाथ शिंदे यांनी महत्त्वाचे विधान केले आहे.मुख्यमंत्री उद्धव ठाकरे यांच्या नेतृत्वाखालील राज्यातील सरकार आपलं नसल्याची जी पृथ्वीराज चव्हाण यांची भावना झाली आहे, त्यावर एकनाथ शिंदे यांना माध्यमांनी विचारले असता शिंदे यांनी चव्हाण यांच्याप्रती आदर व्यक्त केला. राज्यात मुख्यमंत्रिपदी शिवसेना पक्षप्रमुख उद्धव ठाकरे असले तरी हे महाविकास आघाडीचे सरकार आहे.

मुंबईत आणखी एका पोलिसाचा करोनाने मृत्यू; राज्यात १९ जण दगावले

मुंबई: पोलिस दलाला करोनाचा विळखा अधिकच घट्ट होत चालला असून मुंबई मधील आणखी एका पोलिसाचा करोनाने मृत्यू झाला आहे. वाहतूक शाखेत नेमणुकीला असलेले पोलिस कॉन्स्टेबल जयंत खंडाईत (५७) यांचे सोमवारी पहाटे उपचारादरम्यान निधन झाले. राज्यातील मृत पोलिसांची संख्या १९ वर पोहोचली असून १८०९ पोलिसांना करोना विषाणूची लागण झाली आहे.करोनाच्या संकटात आरोग्य सेवेतील योद्धयांप्रमाणे पोलिसही जीवाची बाजी लावून लढत आहेत. बंदोबस्त, गस्त, नाकाबंदी यामुळे पोलिसांचा थेट संपर्क नागरिकांशी येत असल्याने पोलिसांत करोनाचा प्रादुर्भाव वाढत आहे.

करोनाचे सावट: 'कोकणातही यंदा गणेशोत्सव साधेपणाने'

सिंधुदुर्ग: सिंधुदुर्ग जिल्ह्यात करोना चाचणी प्रयोगशाळेसाठी मुख्यमंत्री उद्धव ठाकरे यांनी खास बाब म्हणून परवानगी देण्याचे मान्य केले आहे, अशी माहिती सोमवारी सिंधुदुर्गचे पालकमंत्री आणि राज्याचे शिक्षण मंत्री उदय सामंत यांनी पत्रकार परिषदेत दिली. दरम्यान, यंदा कोकणातील गणेशोत्सव साधेपणाने साजरा करावा लागणार असल्याचे मत सामंत यांनी मांडले.करोना उपचारासाठी जिल्हा नियोजन आणि विकास मंडळाकडून एक कोटी रुपये देण्यात येणार आहेत, असे उदय सामंत यांनी स्पष्ट केले. गेल्या आठवड्यात रुग्णाचा रिपोर्ट फोडला गेला होता.

पुणे: येरवडा कारागृहाजवळ कॅटरर तरुणाचा निर्घृण खून

पुणे: पुण्यात येरवडा कारागृह परिसरात कॉमर्स झोन आयटी पार्क जवळ सोमवारी रात्री कॅटरिंग व्यावसायिक तरुणाचा कुऱ्हाडीने वार करून दगडाने ठेचून निर्घृण खून झाल्याची घटना उघडकीस आली. याप्रकरणी येरवडा पोलिसांनी तीन संशयित मारेकऱ्यांना ताब्यात घेतले असून त्यांची कसून चौकशी केली जात आहे. प्रतीक वान्हाळे असे खून झालेल्या तरुणाचे नाव आहे.पुणे येथील येरवडा पोलिसांनी दिलेल्या प्राथमिक माहितीनुसार, कॉमर्स झोन आयटी पार्कजवळ सोमवारी रात्री एकाचा खून झाल्याची माहिती पोलिसांना मिळाली. त्यानंतर पोलिसांनी तातडीने घटनास्थळी दाखल होत तपासाला सुरुवात केली.