डबॉच, फ्रँक, हॅण्डरसन यांना रसायनशास्त्रातील नोबेल

स्वीडन,४ ऑक्टोबर 
स्वीस संशोधक जॅक्स डबॉच आणि अमेरिकन संशोधक जोचिम फ्रँक, रिचर्ड हॅण्डरसन यांना यंदा रसायनशास्त्रातील नोबेलने गौरवण्यात आले आहे.
जैव रेणूंच्या इमेजिंगमध्ये अधिक स्पष्टता येण्यासाठी क्रायो-इलेक्ट्रॉन मायक्रोस्कॉपी विकसित करण्यात जॅक्स डबॉच, जोचिम फ्रँक आणि रिचर्ड हॅण्डरसन यांचे अमूल्य योगदान आहे.
या तिघांच्या संशोधनामुळे जीवरसायनशास्त्रात नव्या युगाला सुरुवात झाली, असे रॉयल स्वीडीश ऍकॅ डेमी ऑफ सायन्सने गौरव पत्रकात नमूद केले. ५ ऑक्टोबरला साहित्यातील नोबेल, तर ६ ऑक्टोबरला शांततेचा नोबेल जाहीर करण्यात येणार आहे. घ(वृत्तसंस्था)

आयएसआयचे स्वत:चे परराष्ट्र धोरण

-• अमेरिकेचा गौप्यस्फोट
वॉशिंग्टन, ४ ऑक्टोबर 
पाकिस्तानची गुप्तचर संघटना आयएसआयचे दहशतवादी टोळ्यांशी थेट संबंध आहेत. आयएसआयचे स्वत:चे परराष्ट्र धोरण असून, ते राबवताना ही संघटना पाकिस्तान सरकारलाही जुमानत नाही, असा गौप्यस्फोट अमेरिकेने केला आहे.

‘यु नो?’ शौचालय दिनासाठी बाबाला कन्येसह ‘युनो’चे निमंत्रण!

वॉशिंग्टन, ४ ऑक्टोबर 
दोन साध्वींवरील बलात्कार प्रकरणात २० वर्षांचा तुरुंगवास भोगत असलेला गुरमीत सिंह आणि त्याची दत्तक मुलगी हनीप्रीतकडे युनोने अर्थात् संयुक्त राष्ट्र संघाने शौचालय दिनाला समर्थन देण्यासाठी टि्‌वटरच्या माध्यमातून आवाहन केले आहे.
संयुक्त राष्ट्र संघाकडून १९ नोव्हेंबरला ‘जागतिक शौचालय दिन’ साजरा केला जाणार आहे. युनोने टि्‌वटमध्ये गुरमीत आणि हनीप्रीतला टॅग केले असून, त्यात ‘प्रिय हनीप्रीत इन्सा आणि गुरमीत तुम्ही जागतिक शौचालय दिनाला पाठिंबा द्याल, अशी आम्हाला आशा आहे,’ असे नमूद केले आहे.

गिलगिट भारतात सामील करा

-• वैतागलेल्या पाकी नागरिकांची मागणी
पेशावर, २ ऑक्टोबर 
पाकिस्तान सरकार आणि तेथील सैनिकांच्या अमानुष अत्याचाराचे शिकार ठरत असलेल्या गिलगिट-बाल्टिस्तानातील जनता कंटाळली असून, आम्हाला भारतात सामील करून घ्या, अशी मागणी त्यांच्याकडून सातत्याने होत आहे.
या प्रांतातील बहुतांश नागरिकांचा कल भारताच्या बाजूनेच आहे. त्यांना स्वत:वर पाकिस्तानी नागरिक असण्याचा ठपका मान्यच नाही, अशी बलवारिस्तान नॅशनल फ्रण्टचे अध्यक्ष अब्दुल हमीद खान यांनी दिली.