अरुण ठाकूर

कालचक्र प्रभावी असते. त्याच प्रभावाने समाजात स्थित्यंतरे घडतात आणि परिवर्तनाचे वारेही वाहतात. निसर्गचक्राचा तो नियमच आहे. पण दरम्यानच्या कालखंडात होणाऱ्या परिवर्तनाच्या कालखंडाचा साक्षीदार किंवा एका अर्थाने वाहक बनण्याचे भाग्य प्रत्येक शिलेदाराच्या भाळी लाभत नाही. हे भाग्य ज्यांच्या भाळी लाभते, ती माणसे विवेकवादाचे बोट धरून अन्याय्यकर्त्या व्यवस्थेविरोधात बंड छेडण्याची क्षमता राखतात. ज्येष्ठ समाजवादी कार्यकर्ते, लेखक आणि शिक्षणतज्ज्ञ अरुण ठाकूर हे अशा चळवळीतील मोजक्या शिलेदारांपैकी एक होते.

भालचंद्र कोल्हटकर

अभिनय, लेखन, वादन, नकला अशा अनेक क्षेत्रात मुसाफिरी करताना डोंबिवलीतील भालचंद्र कोल्हटकर यांनी अष्टपैलू ही उपाधी वारंवार सिद्ध केली. ८३ व्या वर्षी अखेरचा श्वास घेईतो त्यांचा अफाट उत्साह तसूभरही उणावला नव्हता. व्यावसायिक नाटकांकडे कोल्हटकरांचा फारसा कल नसला तरी प्रायोगिक नाटकांची कास धरत ते नाट्यसृष्टीत वावरले. डोंबिवलीच्या नाट्यचळवळीचा भक्कम आधारस्तंभ बनले. पेणमध्ये शालेय शिक्षण पुरे करताच त्यांनी मुंबई गाठली. मग रुईया महाविद्यालयात प्रवेश घेतल्यापासून रंगभूमीशी जे नाते जडले ते कायमचे. कॉलेजजीवनात एकांकिका स्पर्धा गाजविल्यानंतर नोकरीची सुरूवात झाली.

मनआरोग्याची गंमतशाळा

डॉ. आनंद नाडकर्णी ...'आयपीएच' अर्थात इन्स्टिट्यूट फॉर सायकोलॉजिकल हेल्थ, या पुण्यातील संस्थेचा आज पहिला वर्धापनदिन. त्यानिमित्ताने जाणीवजागृतीचा एक अभिनव कार्यक्रम सादर केला जाणार आहे. उत्स्फूर्तता म्हणजेच कल्पक आणि विवेकपूर्ण विचारांचा वेगवान आविष्कार. काय आहे ह्या जादूमागचे मानसशास्त्र?...'प्रत्येक माणूस योग्य तऱ्हेने विचार करण्याची सवय स्वतःलाच लावू शकतो…. विचार तर सतत येतच असतात. त्यांना वळवायचे कसे हेच कौशल्याचे काम आहे... त्यासाठी मनःपूर्वक सराव करायला हवा.' कुणाचा बरं हा सुविचार? कोण हा अनामिक तत्वज्ञ? तुम्हाला आणि मला 'सु'विचारापेक्षाही तो कोणी सांगितला आहे, यामध्ये मोठा रस असतो.

अलविदा अडवाणी

भारतीय जनता पक्षाच्या संस्थापकांपैकी एक आणि नव्वदी ओलांडलेले लालकृष्ण अडवाणी यंदा निवडणुकीच्या रिंगणात नसतील. गेली वीस वर्षे ते ज्या गांधीनगरचे प्रतिनिधित्व करीत होते, तिथून भाजपचे अध्यक्ष अमित शहा लढणार आहेत. स्वातंत्र्यापासून सार्वजनिक जीवनात असलेल्या आणि गेली पाच दशके निवडणुकांच्या राजकारणात असलेल्या अडवाणींच्या राजकीय कारकिर्दीची अखेर अशी व्हावी, हे दुर्दैवी आहे. या अवस्थेला पंतप्रधान नरेंद्र मोदी आणि अमित शहा जेवढे कारणीभूत, तितकेच अडवाणी स्वतःही आहेत.