मुंबईत आतापर्यंत १०२६ करोनाबळी; रुग्णसंख्या पोहचली ३१७८९वर

मुंबई: साथीच्या विळख्यात सापडलेल्या मुंबईत आज करोनामुळे आणखी ३८ जणांचा मृत्यू झाला असून मुंबईतील करोनाबळींचा एकूण आकडा एक हजारचा टप्पा ओलांडून १०२६ इतका झाला आहे. गेल्या २४ तासांत पालिका हद्दीत करोनाच्या नवीन १४३० रुग्णांची भर पडली.

मुंबईत आणखी एका पोलिसाचा करोनाने मृत्यू; राज्यात १९ जण दगावले

मुंबई: पोलिस दलाला करोनाचा विळखा अधिकच घट्ट होत चालला असून मुंबई मधील आणखी एका पोलिसाचा करोनाने मृत्यू झाला आहे. वाहतूक शाखेत नेमणुकीला असलेले जयंत खंडाईत (५७) यांचे सोमवारी पहाटे उपचारादरम्यान निधन झाले. राज्यातील मृत पोलिसांची संख्या १९ वर पोहोचली असून १८०९ पोलिसांना करोना विषाणूची लागण झाली आहे.

'सरकारनं गरिबांच्या खात्यात १००० रुपये थेट ट्रान्सफर करण्याची गरज'

नवी दिल्ली : करोना विषाणूमुळे गेल्या दोन महिन्यांपासून देशभरात लॉकडाऊन सुरू आहे. या लॉकडाऊनमुळे सर्वात वाईट परिणाम दिसून येतोय तो गरिब जनतेवर... याचबद्दल नोबेल पुरस्कार विजेते अर्थशास्त्रज्ञ अभिजीत बॅनर्ज यांनी भाष्य केलंय. या संकटाच्या काळात सरकारनं गरिबांच्या खात्यात थेट पैसे पाठवण्याची गरज असल्याची गरज बॅनर्जी यांनी व्यक्त केलीय.

करोनाग्रस्त मंत्री मराठवाड्यातून मुंबईत; नगरमध्ये घेतला बिनसाखरेचा चहा

अहमदनगर: विषाणू संसर्ग झाल्याचे निष्पन्न झाल्यावर विमान न मिळाल्याने रुग्णवाहिकेतून मुंबईला निघालेल्या राज्य मंत्रिमंडळातील वरिष्ठ मंत्र्याने येथे काही वेळ थांबून चहा घेतला. येथील पदाधिकाऱ्यांकडे यावेळी जिल्ह्यातील करोना साथीच्या स्थितीची विचारपूसही त्यांनी केली. दरम्यान, संबंधित मंत्री मुंबईत दाखल झाला असून त्यांना लीलावती रुग्णालयात दाखल करण्यात आले आहे, अशी माहिती सूत्रांनी दिली.

'मिस्टर इंडिया'सारखा गायब झाला डेव्हिड वॉर्नर, पाहा भन्नाट व्हिडीओ...

क्रिकेटच्या कोणत्याही स्पर्धा सुरु नसल्या तरी ऑस्ट्रेलियाचा सलामीवीर डेव्हिड वॉर्नर हा सध्याच्या घडीला भन्नाट फॉर्मात आहे. आपल्या धडाकेबाज फलंदाजीने त्याने बऱ्याच चाहत्यांची मने जिंकली आहे. गेले काही दिवस तो बॉलीवूडच्या गाण्यांवर व्हिडीओ बनवत असल्याचेही पाहायला मिळाले आहे. वॉर्नरने आज एक भन्नाट व्हिडीओ बनवला आहे. या व्हिडीओमध्ये वॉर्नर 'मिस्टर इंडिया'सारखा गायब झाल्याचे पाहायला मिळाले आहे.