राज्यसभेने इतिहास घडवला, राष्ट्रवादी, बीजेडीचे केले कौतुक : नरेंद्र मोदी

नवी दिल्ली : संसदेचे हिवाळी अधिवेशन आजपासून सुरू झाले. राज्यसभेच्या ऐतिहासिक २५० व्या अधिवेशादरम्यान पंतप्रधान नरेंद्र मोदी यांनी सभागृहाला संबोधित केले. संसदेचे हे वरिष्ठ सभागृह देशाच्या संघराज्यीय रचनेचा आत्मा आहे, असे ते म्हणाले. यावेळी त्यांनी राष्ट्रवादी काँग्रेस आणि बिजू जनता दलाचे कौतुक केले. या दोन्ही पक्षांचे खासदार कधीच वेलमध्ये उतरत नाहीत. या दोन्ही पक्षांकडून आपण सर्वांनी धडा घ्यायला हवा. भाजपनेही शिकायला हवे, असे मोदी म्हणाले.

शिवसेना ‘एनडीए’तून बाहेर; विरोधी बाकावर बसणार, भाजपकडून शिक्कामोर्तब

नवी दिल्ली : महाराष्ट्रातील सत्तास्थापनेवरून भाजपसोबत काडीमोड घेतलेली शिवसेना आता एनडीएतून बाहेर पडली आहे. संसदेतील दोन्ही सभागृहांत म्हणजेच, लोकसभा आणि राज्यसभेत शिवसेनेचे खासदार विरोधी पक्षात बसणार आहेत. ते विरोधी पक्षांच्या बाकावर बसतील, अशी संसदीय कामकाज मंत्री प्रल्हाद जोशी यांनी आज प्रसारमाध्यमांना दिली.

एअर इंडिया, भारत पेट्रोलिअम चार महिन्यांत विकणार

नवी दिल्ली : कर्जाच्या ओझ्याखाली असलेल्या एअर इंडिया आणि भारत पेट्रोलिअम कॉर्पोरेशन या दोन सरकारी कंपन्या पुढील वर्षी मार्चपर्यंत विकण्यात येणार आहेत. केंद्रीय अर्थमंत्री निर्मला सीतारामन यांनी याबाबत माहिती दिली आहे. देशाची आर्थिक स्थिती सध्या मंदावलेली असल्याच्या पार्श्वभूमीवर त्यांनी ही माहिती दिली आहे.

बचत खात्यातील पैशांबद्दल हिवाळी अधिवेशनात निर्णय

नवी दिल्ली : पंजाब आणि महाराष्ट्र को-ऑपरेटिव्ह बँक आणि इतर सहकारी बँकांची आर्थिक परिस्थिती पाहात मोदी सरकारने बँकेतील बचत खात्यावर मिळणा-या सुरक्षेची मर्यादा वाढवण्याच्या विचारात आहे. याबद्दल केंद्रीय अर्थमंत्री निर्मला सीतारमन यांनी तसे संकेत दिले आहे.
निर्मला सीतारमन यांनी स्पष्ट केले की, बचत खात्याबद्दल बँक डिपॉझिट गॅरंटी विधेयक हिवाळी अधिवेशनात सादर केले जाईल. बँक डिफॉल्टच्या नंतर डिपॉझिट इन्श्युरन्स अँड क्रेडिट गॅरंटी कार्पोरेशन (‘डीआयजीजीसी’) ने घालून दिलेल्या नियमांनुसार, बँकेच्या ग्राहकांना १ लाख रुपयांपर्यंत सुरक्षेची खात्री देण्यात आली आहे.

संसदेचे हिवाळी अधिवेशन उद्यापासून

नवी दिल्ली : संसदेचे हिवाळी अधिवेशन सोमवार, दि. १८ नोव्हेंबरपासून सुरू होत असून याच पार्श्वभूमीवर लोकसभेचे सभापती ओम बिर्ला यांनी रविवारी सर्व राजकीय पक्षांची बैठक बोलावली आहे. लोकसभेचे कामकाज सुरळीत होण्यासाठी सर्व पक्षांनी सहकार्य करावे, यासाठी लोकसभा सभापतींनी ही बैठक बोलावली आहे. दरम्यान, राज्यसभेचे अध्यक्ष एम. व्यंकय्या नायडू यांनीही रविवारी सर्व राजकीय पक्षांची बैठक बोलावली आहे.