धुळे - केंद्र शासनाने प्रत्येक नागरिकांच्या आयडेंटिसाठी आधार कार्ड योजना लागू केली आहे. येथील महापालिका क्षेत्रात असे ओळखपत्र तयार करण्याचे काम 90 टक्के पूर्ण झाले आहे. ही योजना मार्चपासून बंद होत आहे. यामुळे राहिलेल्या नागरिकांनी ओळखपत्रे घेणे आवश्‍यक आहे. महापालिका हद्दीत देवपूर विभागासाठी नवरंग पाण्याच्या टाकीजवळ व धुळे शहरासाठी शाळा क्रमांक 21 मध्ये मार्चपर्यंत ओळखपत्र तयार करण्याचे काम सुरू राहील. हे काम 6 फेब्रुवारीपासून सुरू होईल. मार्चनंतर कुठल्याही नागरिकाला हे ओळखपत्र देता येणार नाही. ज्या नागरिकांनी ओळखपत्रांसाठी नोंदणी केली नसेल.

धुळे - साक्रीतील अवसायनातील पांझराकान साखर कारखान्याच्या 825 कामगारांना थकीत देणी देण्याची जिव्हारी राज्य शिखर बॅंकेला आली आहे. ऐनवेळी परस्पर 26 कोटी 76 लाखांची देणी व एप्रिल 2003 पासूनचे व्याज देण्याची जबाबदारी निविदाधारकाच्या अंगावर टाकत कारखाना विक्री व सुरू करण्याच्या प्रक्रियेत बॅंकेनेच खोडा घातला आहे. असे असताना शिखर बॅंकेने सात वर्षांपूर्वी कारखान्याच्या साखर विक्रीतून कमावलेले सुमारे सव्वादोन कोटी रुपये घातले कुठे?

जळगाव - घरकुल घोटाळ्यात संशयितांना पोलिस कोठडी वाढवून मिळावी, या सरकार पक्षाच्या मागणीवर आज न्यायालयाकडून दोन्ही बाजूने झालेले युक्तिवाद म्हणजे घात-प्रतिघात होते. न्यायालयात उपस्थित असलेल्या अडीचशेपर्यंत गर्दीच्या नजरा तपासाधिकारी सिंधूंवर रोखलेल्या होत्या.&nbsp युक्तिवादादरम्यान एकदाही "ऑर्डर ऑर्डर' म्हणण्याची न्यायालयाला गरज पडली नाही. बोलणाऱ्याव्यतिरिक्त सगळे कसे शांत...शांत होते.&nbsp सर्व दस्तावेज पोलिसांच्या ताब्यात आहेत. पोलिसांना तपासासाठी रायसोनी, वाणी, मयूर, काळेंच्या कोठडीची काडीची गरज नाही, असे बचाव पक्षाकडून सांगण्यात आले.

जळगाव - वातावरणातील गारव्यात फेसाळलेली, वाफाळलेली कॉफी! मजाच वेगळी, पण कॉफी पावडरपासून पेंटिंग म्हटले तर कुणाच्याही भुवया उंचावतील! कॉफी पावडरच्या वापरातून घराची सजावटही होऊ शकते म्हटल्यावर कुणीही "काय मजा घेताय' म्हणेल, मात्र ही मजा महिलांनी प्रत्यक्ष अनुभवली ती "सकाळ मधुरांगण'तर्फे आज झालेल्या कॉफी पावडर पेंटिंग प्रशिक्षण कार्यशाळेत...&nbsp गांधी उद्यानात ही कार्यशाळा झाली. "सकाळ मधुरांगण', सर्वधर्मसमभाव महिला मंडळ आणि श्री न्यू शहर मारवाडी महिला मंचतर्फे हे विशेष आयोजन करण्यात आले होते.

नाशिक - महापालिका निवडणुकीच्या रणधुमाळीला अर्ज माघारीनंतर रंगत येणार असली, तरी राजकीय पक्ष प्रचाराचे मुद्दे तयार करण्यात मश्‍गुल आहेत. दहा वर्षांपासून सत्तेवर असलेल्या भाजप-शिवसेनेने काडीमोड घेतला आहे. विरोधी कॉंग्रेस-राष्ट्रवादीकडून महापालिकेसंबंधी विविध मुद्दे उपस्थित केले जाणार आहेत. त्यावर उपाय म्हणून राष्ट्रीय व राज्यपातळीवर गाजलेले भ्रष्टाचार, महागाईच्या मुद्यांभोवती मतदारांचे लक्ष केंद्रित करण्यावर सत्ताधाऱ्यांकडून भर दिला जाणार आहे.

नाशिक रोड - नाशिक रोड स्थानकात न थांबणाऱ्या लांब पल्ल्याच्या रेल्वेगाड्यांमध्ये साखळी ओढून थांबविण्याच्या स्वयंघोषित प्रकारात दुपटीने वाढ झाली आहे. गेल्या वर्षात रेल्वे प्रशासनाने ऐंशी जणांना साखळ्या ओढून रेल्वे थांबविल्याच्या आरोपावरून दंड केला आहे. लांब पल्ल्याच्या रेल्वेगाड्या नाशिकला थांबविण्यामागे तिकीट काढलेल्या प्रवाशांचीच संख्या अधिक आहे. थांबा नसलेल्या गाड्यांना नाशिक रोड स्थानकाचा थांबा दिला गेल्यास चेनपुलिंगचे गुन्हे झपाट्याने घटतील, असाही प्रवाशांचा सूर आहे. या मार्गावरून मध्य रेल्वेच्या अनेक गाड्या धावतात, परंतु थांबत नाहीत. त्यामुळे नाशिकला उतरणाऱ्या प्रवाशांची गैरसोय होते.

नाशिक - दक्षता समितीच्या अहवालाशिवाय प्राप्त झालेले जात प्रमाणपत्र अवैध ठरविण्याच्या उच्च न्यायालयाच्या आदेशाने कडाक्‍याच्या थंडीत महापालिका निवडणुकीत राखीव जागांवर लढणाऱ्या उमेदवारांना घाम फोडला. 144 उमेदवारांचे जात प्रमाणपत्र दक्षता समितीच्या अहवालाशिवाय प्राप्त झाल्याचे स्पष्ट झाल्याने त्या उमेदवारांवर गंडांतर येता येता टळले ते सर्वोच्च न्यायालयाच्या स्थगितीमुळे. सर्वोच्च न्यायालयाने उच्च न्यायालयाचा निकाल ग्राह्य धरला असता, तर प्रभाग क्रमांक 21 अ व 37 अ मध्ये उमेदवारच शिल्लक राहिले नसते. तर प्रभाग 39 अ मध्ये बिनविरोध निवड प्रक्रिया पार पडली असती.