'उबेर' चालकांना आता इंधनदरानुसार मोबदला

मुंबईःप्रवासी टॅक्सी सेवा पुरविणाऱ्या 'उबेर'नं आता त्यांच्या चालकांना इंधनाच्या दरांनुसार मोबदला देण्याचा निर्णय घेतला आहे. वाढत्या इंधन दरामुळं आर्थिक नुकसान सहन करणाऱ्या कॅब चालकांना या निर्णयामुळं मोठा दिलासा मिळणार आहे.आंतरराष्ट्रीय बाजारातील चढउतारामुळं देशांतर्गत पेट्रोल, डिझेलचे दर सातत्यानं बदलत असतात. गेल्या काही दिवसांपासून हे इंधनाचे दर रोजच्या रोज वाढत आहेत. या दरवाढीमुळं उबेर चालकांना अतिरिक्त आर्थिक भार सोसावा लागतो आहे. त्यामुळे आम्हाला बदलत्या इंधन दरांप्रमाणे असावा, अशी मागणी टॅक्सी चालकांनी केली होती. 'चालकांचं हित लक्षात घेऊन उबेरनं अखेर ही मागणी मान्य केली आहे.

मुंबई: माहुलवासीय मुख्यमंत्र्यांना पाठवणार पोस्टकार्ड

मुंबई: प्रदूषणविरोधी लढा देणाऱ्या माहुलवासीयांची कुर्ल्यातील संक्रमण शिबिरात तात्पुरती व्यवस्था करण्यात येईल आणि यासंदर्भात चार दिवसांत मुख्यमंत्र्यांशी बोलून निर्णय घेण्याचं आश्वासन सरकारनं दिलं होतं. आजचा चौथा दिवस असूनही अद्याप कोणतीही कार्यवाही झाली नाही. त्यामुळं माहुलवासीय आता मुख्यमंत्री देवेंद्र फडणवीस यांना पोस्टाद्वारे पत्र पाठवणार आहेत. पुनर्वसनासंबंधी तातडीनं निर्णय घ्यावा, अशी मागणी ते पत्राद्वारे करणार आहेत.माहुलवासीयांच्या पुनर्वसनाच्या मुद्यावर आंदोलक आणि मुख्यमंत्र्यांचे सचिव आणि नगरविकास विभागाचे सचिव यांच्यात बैठक झाली होती.

पेट्रोल १८ पैशांनी तर डिझेल १६ पैशांनी स्वस्त

मुंबईःपेट्रोल आणि डिझेलच्या दरात पुन्हा एकदा कपात झाली आहे. नव्या दरानुसार पेट्रोल १८ पैशांनी तर डिझेल १६ पैशांनी स्वस्त झाले आहे. मध्यंतरी वाढत असलेल्या दरांमुळे हैराण झालेल्या नागरिकांना आता होत असलेल्या दरकपातीमुळे दिलासा मिळत आहे. मध्यरात्रीपासून लागू झालेल्या दरानुसार मुंबईत पेट्रोल ८२.६२ रुपयांना तर डिझेल ७५.३६ रुपये आहे. तर राजधानी दिल्लीत पेट्रोलचे दर ७७.१० रुपये तर डिझेलचे दर ७१.९३ रुपये एवढे आहेत. आंतरराष्ट्रीय बाजारातील चढउतारामुळं देशांतर्गत पेट्रोल, डिझेलचे दर सातत्यानं बदलत आहेत.मोबाइल अॅप डाउनलोड करा आणि राहा अपडेट

मुलीला बेदम मारहाण करणाऱ्या महिलेस अटक

मुंबईः मुंबई उपनगरातील ट्रॉम्बे भागात एका रहिवासी इमारतीतील लिफ्टमध्ये लहान मुलीला बेदम मारहाण करण्यात आल्याची घटना समोर आली आहे. याप्रकरणी एका महिलेला अटक करण्यात आली आहे. ही घटना सीसीटीव्ही कॅमेऱ्यामध्ये कैद झाली असून, त्याचा व्हिडिओ व्हायरल झाला आहे. अत्यंत हृदयद्रावक असलेल्या या व्हिडिओमध्ये एक महिला लहान मुलीला बेदम मारहाण करताना दिसत आहे. याप्रकरणी पोलिसांनी दिलेल्या माहितीनुसार, आरोपी महिलेचे नाव रिजवाना बेगम आहे.

मुंबई: स्विमिंग पूलचं पाणीही बंद होणार?

मुंबई:संभाव्य पाणीटंचाईचे चटके बसण्याआधीच मुंबई शहरात १० टक्के पाणी कपातीचा निर्णय घेतल्यानंतर आता शहरातील सार्वजनिक तरणतलावांचा पाणी पुरवठाही बंद होऊ शकतो. प्रशासनानं तशा हालचाली सुरू केल्याचं सूत्रांकडून सांगण्यात येतं.महाराष्ट्रात यंदा पावसाने जुलैनंतर ओढ दिली. त्यामुळं मुंबईतील धरण क्षेत्रांतील पाणीसाठा पुढील पावसाळ्यापर्यंत टिकून राहावा, यासाठी मुंबईत सरसकट १० टक्के पाणी कपात करण्याचा निर्णय घेतला. तलावातील साठा १५ टक्क्यांनी कमी झाल्याने भविष्यात पाणीटंचाई सोसावी लागू शकते. त्यादृष्टीनं उपाययोजना म्हणून तलावांतील पाणी पुढील पावसाळ्यापर्यंत पुरवून वापरावे लागणार आहे.