lalbaugcha raja 2018: लालबागच्या राजाचे जल्लोशात विसर्जन

मुंबई:उत्सुकता... धाकधूक.... जल्लोष... गुलालाची उधळण... फटाक्‍यांचा कडकडाट... ढोलताशांचा दणदणाट... जयघोष आणि कोठे निराशेची सामसूम...! अशा भावभावनांच्या कल्लोळात मुंबईची शान असलेल्या लालबागच्या राजाचे आज सकाळी विसर्जन करण्यात आले. लालबागच्या राजाची विसर्जन मिरवणूक तब्बल २० तासांहून अधिक वेळ चालली. दहा दिवस बाप्पाची मनोभावे पूजा केल्यानंतर अखेरची आरती घेऊन बाप्पाला अलोट गर्दीच्या साक्षीने गिरगाव चौपाटीच्या खोल समुद्रात निरोप देण्यात आला. निरोपाचा क्षण जवळ आला तसा सर्वांचाच कंठ दाटून आला होता.

लालबागच्या राजाच्या विसर्जनसमयी भक्तांची बोट उलटली; पाच जखमी

मुंबई:लालबागच्या राजाला विसर्जनासाठी गिरगावच्या समुद्रात नेत असताना बाप्पाला निरोप देण्यासाठी आलेल्या भक्तांची एक बोट कलंडली . अग्निशमन दलाच्या जवानांनी वेळीच घटनास्थळी पोहचून बुडणाऱ्या भक्तांना पाण्याबाहेर काढले. या अपघातात पाच जण जखमी झाले आहेत. रविवारी दुपारी बारा वाजता सुरू झालेली लालबागच्या राजाची विसर्जन मिरवणूक आज सकाळी सहा-साडेसहाच्या सुमारास गिरगावात पोहोचली. त्यानंतर विसर्जनासाठी लालबागच्या राजाला समुद्रात नेण्यात आलं. यावेळी बाप्पाला निरोप देण्यासाठी मोठा जनसागर लोटला होता.

महिलेनेच केली महिलेची गळा चिरून हत्या

मुंबई: वांद्रे येथे क्षुल्लक कारणावरून एका महिलेने दुसऱ्या महिलेची गळा चिरून हत्या केल्याची धक्कादायक घटना घडली आहे. या घटनेमुळे खळबळ उडाली असून पोलिसांनी या आरोपी महिलेला २४ तासातच अटक केली आहे.वांद्रे पश्चिमेकडील चॅपल रोडवरील लव्हली स्टोरजवळ रविवारी ही घटना घडली. लव्हली स्टोअरजवळील रिलायबल कन्स्ट्रक्शनच्या रिकाम्या प्लॉटवरील पत्र्याच्या शेडमध्ये संशयित आरोपी महिला अर्चनाचा दुसऱ्या एका महिलेबरोबर पैशाच्या व्यवहारावरून वाद झाला. त्यामुळे दोघींमध्ये शाब्दिक चकमक उडाली. भांडण वाढल्याने दोघीही एकमेकींच्या अंगावर धावून गेल्या.

ganesh immersion: राज्यात २४ जणांचा बुडून मृत्यू

मुंबई:रविवारी राज्यभर गणेश विसर्जनाचा जल्लोष सुरू असतानाच राज्याच्या काही भागात झालेल्या दुर्घटनांमुळे भक्तांच्या उत्साहावर विरजन पडले. रविवारी गणेश विसर्जनावेळी राज्यात झालेल्या विविध घटनांमध्ये २० जणांचा बुडून मृत्यू झाला आहे. त्यात जुन्नर आणि जालन्यातील प्रत्येकी तीन तरुणांचा, तर अमरावती, यवतमाळ आणि भंडाऱ्यात प्रत्येकी दोन तरुणांचा बुडून मृत्यू झाला आहे.रविवारी मुंबईसह राज्यभरात गणेश विसर्जन थाटात पार पडले. मात्र विविध ठिकाणी झालेल्या दुर्घटनेत २६ जणांचा बुडून मृत्यू झाला आहे.

DJ Ban: गणपती बाप्पाला डीजे-डॉल्बीची गरज नाही: CM

मुंबई :गणपती बाप्पाला डीजे आणि डॉल्बीची आवश्यकता नाही, असे परखड मत मांडत राज्याचे मुख्यमंत्री देवेंद्र फडणवीस यांनी डीजे-डॉल्बी बंदीचे समर्थन केले आहे.ध्वनीप्रदूषणाच्या मुद्द्यावरून मुंबई हायकोर्टाने डॉल्बीला परवानगी देण्यास नकार दिला आहे. या आदेशाला स्थगिती मिळावी म्हणून कोर्टात विनंती करण्यात आली होती ती विनंतीही फेटाळण्यात आली आहे. हे प्रकरण न्यायालयात प्रलंबित असताना पुणे, कोल्हापूर या शहरांतील अनेक सार्वजनिक गणेशोत्सव मंडळांनी या बंदीला उघड आव्हान देण्याचा प्रयत्न केला.