जळगाव फोटो

जळगाव फोटो
मोबाइल अॅप डाउनलोड करा आणि राहा अपडेट

वंचित आघाडी

खरी लढाई बहुजन वंचित विकास आघाडीशीचपालकमंत्री संभाजी पाटील-निलंगेकर यांचे मत म. टा. प्रतिनिधी, लातूर आगामी होऊ घातलेल्या लोकसभा निवडणुकीसाठी काँग्रेसला अजूनही उमेदवार शोधता आलेला नसून हताश झालेल्या काँग्रेससोबत आपली लढाई नसून खरी लढाई बहुजन वंचित विकास आघाडीशीच असल्याचे लातूरचे पालकमंत्री संभाजी पाटील-निलंगेकर यांनी यावेळी सांगितले.गेल्या पाच वर्षात पंतप्रधान नरेंद्र मोदी यांच्या झंझावातामुळे काँग्रेसच्या गोटात नैराश्य पसरले असल्याने त्यांच्याकडून मतदारसंघात संभ्रम निर्माण करण्याचा प्रयत्न होऊ लागलेला आहे.

रानडुकराची मुक्ती

जंगलांमध्ये लागणाऱ्या वणव्यांपासून संरक्षण मिळवण्यासाठी गावामध्ये दाखल होणारे वन्यप्राणी कोरड्या विहिरींमध्ये पडल्याचे प्रमाण वाढले आहे. गुरुवारी खडवली परिसरातील नडगाव येथील एका कोरड्या विहिरीमध्ये अडकलेल्या रानडुकराच्या पिल्ल्याची वनविभाग आणि वॉर संस्थेच्या स्वयंसेवकांनी मुक्तता केली. अत्यंत आक्रमक असलेल्या या पिल्लाला सुरक्षितपणे बाहेर काढून त्याला वनक्षेत्रामध्ये सोडण्यात आले. कल्याण-टिटवाळा परिसरातील वनक्षेत्रामध्ये सातत्याने वणवे पेटवले जात असल्यामुळे वन्यप्राणी सुरक्षेसाठी नागरी वस्तीमध्ये घुसत असल्याचे समोर आले आहे.

२४३ अधिकारी, कर्मचाऱ्यांची दांडी

म. टा. वृत्तसेवा, ठाणेमतदान प्रशिक्षण वर्गास दांडी मारणाऱ्या २४३ अधिकारी आणि कर्मचारी यांच्याविरुद्ध कारवाई करण्याचा इशारा सहाय्यक निवडणूक निर्णय अधिकारी जलसिंग वळवी यांनी दिला आहे. या कर्मचाऱ्यांना नोटीसही बजावण्यात येणार आहे. भिवंडी लोकसभा मतदारसंघात मतदानाच्या कामासाठी नियुक्त केलेल्या कर्मचाऱ्यासाठी शुक्रवारी मिल्लतनगर येथील फरहान हॉलमध्ये प्रशिक्षण वर्गाचे आयोजन करण्यात आले होते. दोन सत्रांत प्रशिक्षण चालले. मात्र एकूण २ हजार ४६४ कर्मचाऱ्यापै २४३ अधिकारी आणि कर्मचारी प्रशिक्षणाला गैरहजर राहिले असून त्यांच्याविरुद्ध आता कारवाई करण्यात येणार आहे.

दरोडा टाकण्यापूर्वीच दरोडेखोर जेरबंद

म. टा. वृत्तसेवा, ठाणेबिल्डरच्या कार्यालयावर दरोडा टाकण्याच्या तयारीत असलेल्या दोन दरोडेखोरांना भिवंडी पोलिसांनी अटक केली. तर तिघे अंधाराचा फायदा घेऊन पळून जाण्यास यशस्वी झाले आहेत. अटक झालेल्या आरोपींकडून एक गावठी कट्टा आणि इतर साधने हस्तगत केली आहेत. शहजाद मोहमद अमीन शेख (२१), मुस्तकीन मेहमूद अंसारी (२५) अशी या आरोपींची नावे आहेत. भिवंडीतील शानदार मार्केट येथील बिल्डर जावेद शेठ यांच्या कार्यालयावर दरोडा पडणार असल्याची माहिती पोलिसांना मिळाली होती. गुरुवारी रात्री पोलिसांनी सापळा लावून दोघांना पाठलाग करून ताब्यात घेतले. तर अन्य तिघे पळून गेले.