‘बुद्धधम्म हा विश्वकल्याणाचा मार्ग’

म. टा. विशेष प्रतिनिधी, नागपूर'सत्य, अहिंसा आणि शांती' हा मार्ग तथागत गौतम बुद्धाने जगाला दाखविला. त्यांनी दाखविलेला मार्ग हा विश्व कल्याणाचा मार्ग आहे, असे प्रतिपादन दक्षिण मध्य सांस्कृतिक केंद्राचे संचालक दीपक खिरवाडकर यांनी केले. दीक्षाभूमीवर आयोजित पाच दिवसीय बुद्ध महोत्सवाचा बुधवारी सायंकाळी शुभारंभ झाला. २७ जानेवारीपर्यंत बुद्ध संस्कृतीचे दर्शन या महोत्सवानिमित्ताने अनुभवायला मिळणार आहे. यंदा आयोजनाचे हे नववे वर्ष आहे.यानिमित्ताने बुद्धिस्ट फ़िल्म फेस्टिव्हलचे उद्घाटन प्रसिद्ध नाटककार व चित्रपट कथालेखक शैलेश नरवड़े आणि कलादालनाचे उद्घाटन मानवाधिकार कार्यकर्त्या डॉ.

चेक बाऊन्स; ३० लाखांचा दंड

म.टा. प्रतिनिधी, नागपूर चेक बाउन्स प्रकरणात न्यायालयाने सचिन जागेश्वर पाटील (रा. नरेंद्रनगर) याला तीन महिन्यांची शिक्षा व ३० लाखांचा दंड ठोठावला. दंड न भरल्यास तीन महिने अतिरिक्त शिक्षेचे निर्देशही न्यायालयाने दिले.न्यू प्रॉस्परिटी डेव्हलपर्सचे संचालक डॉ. राजेंद्र श्यामराव पडोळे यांनी दक्षिण-पश्चिममधून २०१४मध्ये विधानसभा निवडणूक लढविली होती. याचदरम्यान त्यांची सचिनसोबत ओळख झाली. सचिनने मौजा बेसा येथील भूखंड खरेदी करण्यासाठी पडोळे यांना ३० लाख रुपये मागितले. काही रोख व उर्वरित रकमेचा धनादेश पडोळे यांनी त्याला दिला. काही दिवसांनी पडोळे यांनी सचिनला पैसे परत मागितले.

मोबाइलवर व्यस्त पोलिसांवर कारवाई

म.टा.विशेष प्रतिनिधी, नागपूरवाहतूक पोलिस चौकात न राहता झाडाखाली मोबाइल खेळत असल्याचे दिसून येत असल्याची परखड टीका मुंबई हायकोर्टाच्या नागपूर खंडपीठाने केली. त्यानंतर, 'पोलिस आयुक्त भूषणकुमार उपाध्याय यांनी हयगय करणाऱ्या २३ वाहतूक पोलिसांवर कारवाई केली आहे', असे शपथपत्र विभागीय आयुक्त संजीवकुमार यांनी हायकोर्टात दाखल केले.'शहरातील वाहतूक व्यवस्थेचे तीनतेरा वाजले असून वाहतूक नियमांचे उल्लंघन करणाऱ्यांवर कोणतीही कारवाई होत नाही. तेव्हा पोलिस आयुक्तांनी आपले घर आधी सांभाळावे अन्यथा गंभीर नोंद घेण्यात येईल', असा आदेश न्या. रवी देशपांडे व न्या. विनय मांडके यांनी १२ डिसेंबर रोजी दिला होता.

डॉ. श्रीकांत कोमावार यांना दिलासा

म. टा. विशेष प्रतिनिधी, नागपूरराष्ट्रसंत तुकडोजी महाराज नागपूर विद्यापीठाच्या डॉ. बाबासाहेब आंबेडकर विधी कॉलेजचे प्राचार्य डॉ. श्रीकांत कोमावार यांच्या पदाला संरक्षण देत मुंबई उच्च न्यायालयाच्या नागपूर खंडपीठाने डॉ. कोमावार यांना वयाच्या ६५ वर्षांपर्यंत कायम ठेवण्याचा आणि वेतनासह सर्व लाभ देण्याचा आदेश राज्य सरकारला दिला. डॉ. श्रीकांत कोमावार यांच्या प्राचार्य पदाला राज्य सरकारने मान्यता न दिल्याने त्यांना वयाच्या ६२ व्या वर्षी प्राध्यापक पदावरून निवृत्त होण्याचा आदेश नागपूर विद्यापीठाने दिला होता. त्यासोबतच डॉ. कोमावार यांचे वेतनही रोखण्यात आले होते. त्या आदेशाला आव्हान देणारी याचिका डॉ.

हनीसिंगला थायलंडला जाण्यास परवानगी

म. टा. विशेष प्रतिनिधी, नागपूरप्रसिद्ध पॉपगायक यो यो हनीसिंग यांना सत्र न्यायालयाने थायलंडला जाण्यासाठी सशर्त मंजुरी दिली. त्याला त्याच्या विदेश दौऱ्यांची संपूर्ण माहिती सादर करण्याचा आदेश देण्यात आला आहे. तसेच परदेशात असतानाही पोलिसांना आश्यकता वाटेल तेव्हा त्यांना सहकार्य करण्याची अट घालण्यात आली आहे.अश्लील गाणी गात असल्याच्या आरोपाखाली हनीसिंग याच्याविरोधात नागपुरात गुन्हे दाखल करण्यात आले आहेत. बादशहा व हनीसिंग याच्याविरुद्ध माहिती व तंत्रज्ञान कायद्यांतर्गत कारवाई करावी, अशी याचिका आनंदपालसिंग जब्बल यांनी हायकोर्टात दाखल केली आहे.