बीड जिल्हा परिषदेच्या निवडणुकीत अनेक ठिकाणी नातेवाईकांतच लढाई असल्याचे चित्र पहायला मिळत आहे. कुठे सासू-सूना तर कोठे जावा-जावा एकमेकींसमोर दंड थोपटून उभ्या आहेत. रक्ताचे नाते असूनही ते विसरून निवडणुकीच्या आखाड्यात वेगवेगळ्या पक्षाकडून ही मंडळी आपले नशिब आजमावत आहेत. नात्यागोत्याच्या या महाभारतात विजय कोणाचा होतो हे मतदार राजाच ठरवणार आहे.

सत्ता आमच्याकडे अनेक वर्षांपासून आहे. त्यामुळे सत्तेचा गर्व होण्याचा प्रश्नच येत नाही. कोकणातील स्वयंघोषित अनभिषिक्त सम्राटपद लयास जात असल्याने नारायण राणे हे वैफल्यग्रस्त झाले आहेत, अशी टीका राष्ट्रवादी काँग्रेसचे ज्येष्ठ नेते व गृहमंत्री आर. आर. पाटील यांनी 'मटा'ला दिलेल्या खास मुलाखतीत केली.

औरंगाबाद दिल्लीसाठी जेट एअरवेजच्या दोन विमानसेवा सध्या सुरू आहेत. यातील रात्रीची औरंगाबाद दिल्ली विमानसेवा २७ मार्चपासून बंद करण्याचा निर्णय घेण्यात आल्याचे उघड झाले आहे. खरेतर दोन्ही विमानाला चांगला प्रतिसाद मिळत असताना एक सेवा बंद झाल्यानंतर लोकांना आणखीनच त्रासाचा सामना करावा लागणार आहे.

जिल्हा परिषद व पंचायत समिती निवडणुकीत नाराज शिवसैनिकांच्या उपदवाने शिवसेना नेते चांगलेच हैराण झाले आहेत. या नाराजांची माहिती काढण्यासाठी त्यांनी गावागावात 'गुप्तहेर' तयार केले आहेत. या गुप्तहेरांकडून मिळणा-या खडानखडा माहितीचा उपयोग नाराजांचा बंदोबस्त करण्यासाठी केला जात आहे.

'गेले दशकभर औरंगाबाद जिल्ह्यात जिल्हा परिषदेवर युतीची सत्ता आहे. या कालावधीत ग्रामीण भागाची प्रचंड दुर्दशा झाली आहे. याला जबाबदार असलेल्या शिवसेनेला मुंबई महापालिकाच महत्त्वाची वाटते. कारण ती सोन्याची अंडे देणारी कोंबडी आहे.

मनमाडहून एसटी महामंडळाच्या मध्यवर्ती आगारासाठी डिझेल घेऊन निघालेल्या टँकरचालक आणि क्लिनरला देवगावजवळील एका पेट्रोल पंपावर रात्री थांबणे महागात पडले. टँकरवरील झाकणाचे पट्याचे पत्रे वाकवून १५०० लिटर डिझेलची चोरी करण्यात आली आहे.

जिल्हा परिषदेच्या निवडणुका लागल्यानंतर ५० टक्के महिला आरक्षणामुळे अनेक सामाजिक, राजकीय क्षेत्रात काम करणाऱ्या महिलांना संधी मिळेल अशी अपेक्षा होती. मात्र या महिला आरक्षणाचा फायदा खऱ्या अर्थाने राजकीय, सामाजिक क्षेत्रात काम करणाऱ्या महिलांना होत नसल्याचेच दिसत आहे.