मनीषा वाघमारे एव्हरेस्ट शिखरावर

म. टा. प्रतिनिधी, औरंगाबादऔरंगाबादची गिर्यारोहक मनीषा वाघमारेने सोमवारी एव्हरेस्ट शिखर पादाक्रांत केले. सागरमाथ्यावर पाऊल ठेवणारी मनीषा ही मराठवाड्यातील पहिलीच महिला गिर्यारोहक ठरली आहे. गतवर्षी मनीषा वाघमारेला खराब हवामानामुळे अवघ्या १७० मीटर अंतरावरून माघारी परतावे लागले होते. यंदा नव्या जोमाने मनीषा एव्हरेस्ट शिखर मोहिमेवर गेली होती. १७ मे रोजी मध्यरात्री मनीषाने बेसकँपवरून एव्हरेस्ट शिखराच्या दिशेने चढाईस सुरवात केली. निर्धारित नियोजनाप्रमाणे ती चढाई करीत होती. रविवारी मध्यरात्री मनीषाने कँप चारवरून एव्हरेस्ट शिखरावर चढाई करण्यास प्रारंभ केला.

निधन वार्ता - शांतीलाल मोहन जाधव

निधन वार्ता शांतीलाल मोहन जाधव औरंगाबाद : एसटी कॉलनी फाजलपुरा येथील रहिवासी महापालिकेचे कर्मचारी शांतीलाल मोहन जाधव (वय ४८) यांचे दीर्घ आजाराने २० मे निधन झाले. त्यांच्यावर शहाबाजार येथील स्मशानभूमीत अंत्यसंस्कार करण्यात आले. त्यांच्या पश्चात पत्नी, आई, दोन मुले, एक मुलगी असा परिवार आहे.
मोबाइल अॅप डाउनलोड करा आणि राहा अपडेट

वेरूळ अजिंठ्याच्या बसचा प्रवास पुन्हा पुण्याला

औरंगाबाद : शहरात आलेल्या पर्यटकांना वातानुकूलित बसमधून प्रवास करता यावा यासाठी दोन वातानुकुलित बस एसटी महामंडळाला देण्यात आल्या आहेत. ऐन उन्हाळ्यात या बसचा प्रवास औरंगाबाद ते अजिंठा आणि औरंगाबाद ते वेरूळ या मार्गावर चालू ठेवण्याऐवजी या बस पुणे मार्गावर चालविण्यात येत असल्याची माहिती एसटीच्या सूत्रांनी दिली.औरंगाबाद जिल्ह्यात असलेल्या वेरुळ, अजिंठा या दोन्ही ठिकाणांना भेट देणाऱ्या पर्यटकांच्या सुविधेसाठी जिल्हा संनियंत्रण समितीच्या माध्यमातून दोन वातानुकुलित पर्यटन बस देण्यात आल्या होत्या. या बसला पर्यटकांचाही चांगला प्रतिसाद मिळत आहे.

मते मोजण्यास परवानगी

औरंगाबाद : लातूर-उस्मानाबाद-बीड स्थानिक स्वराज्य मतदारसंघाच्या निवडणुकीत दहा नगरसेवकांची मते मोजण्यास मुंबई उच्च न्यायालयाच्या औरंगाबाद खंडपीठाचे न्या. मंगेश पाटील यांनी परवानगी दिली आहे. दहा नगरसेवकरांच्या मतांचा निवडणुकीवर परिणाम होत असेल निवडणुकीचा निकाल जाहीर करण्यात येऊ नये. निवडणुकीचा निर्णय याचिकेच्या अंतिम निकालास अधीन राहील, असे स्पष्ट करण्यात आले आहे.सविस्तर वृत्त...
मोबाइल अॅप डाउनलोड करा आणि राहा अपडेट

महावितरण कर्मचाऱ्यांचे गोळेगावात श्रमदान

औरंगाबाद : महावितरण प्रादेशिक कार्यालय औरंगाबाद व महावितरण औरंगाबाद परिमंडल कार्यालयातील कर्मचाऱ्यांनी गोळेगाव ता. खुलताबाद येथे श्रमदान करून पाणी फाउंडेशनच्या लोकचळवळीत सहभाग घेतला.पाणी हेच जीवन समजून लोकसहभाग आणि लोकचळवळीतून राज्यात पाणी फाउंडेशनच्या माध्यमातून मोठया प्रमाणात श्रमदानातून कामे चालू आहेत. गोळेगाव, ता. खुलताबाद येथे आज महावितरण कर्मचाऱ्यांनी श्रमदान करून योगदान दिले. श्रमदानात सहव्यवस्थापकीय संचालक ओम प्रकाश बकोरिया यांनी सपत्निक सहभाग घेतला.