बेगुसरायमध्ये रंगणार गिरीराज-कन्हैय्या सामना

पाटणाः काही आठवड्यांवर येऊन ठेपलेल्या लोकसभा निवडणुकीची रणधुमाळी सुरू झाली आहे. विविध पक्षांकडून उमेदवारांच्या याद्या जाहीर होऊ लागल्या आहेत. बिहारमधील बेगुसराय मतदारसंघात केंद्रीयमंत्री गिरीराज सिंह आणि जेएनयूचा विद्यार्थी सेनेचा माजी अध्यक्ष आणि युवा नेता कन्हैय्या कुमार यांच्यातील लढत रंगण्याची चिन्ह आहेत.भारतीय जनता पक्षाकडून केंद्रीयमंत्री गिरीराज सिंह यांना बेगुसराय येथून उमेदवारी जाहीर झाली आहे. तर कन्हैय्या कुमार मार्क्सवादी कम्युनिस्ट पक्षाच्या तिकिटावर याच मतदारसंघातून निवडणूक लढवणार आहे. तसे पाहता गिरीराज सिंह नवादा या मतदारसंघातून निवडणूक लढवण्यास इच्छूक होते.

shatrughna sinha: भाजपने शत्रुघ्न सिन्हांचे तिकीट कापले, काँग्रेस प्रवेशाची शक्यता

पाटणाभारतीय जनता पक्षाने बिहारमधील ४० पैकी ३९ उमेदवारांची यादी जाहीर केली. यात अपेक्षेप्रमाणे केंद्र सरकारवर सतत टीकेची झोड उठवणारे भाजपचे बंडखोर नेते शत्रुघ्न सिन्हा यांचे तिकीट कापण्यात आले आहे. तर, गिरिराज सिंह यांनाही हवा असलेला मतदारसंघ न देता त्यांना बेगूसरायमधून उमेदवारी देण्यात आली आहे. शत्रुघ्न सिन्हा यांच्या पाटणा साहिब या जागेवर केंद्रीय मंत्री रविशंकर प्रसाद यांना उमेदवारी देण्यात आली आहे. याबरोबरच भाजपने शाहनवाझ हुसेन यांनाही उमेदवारी नाकारली आहे.

गेल्या पाच वर्षांत मोदींनी फ्लॉप सिनेमा केला: राहुल

पूर्णिया:लोकसभा निवडणुकीचे वारे वाहू लागले आहेत. आरोप-प्रत्यारोपांच्या फैरी झडत आहेत. 'गेल्या पाच वर्षांत पंतप्रधान नरेंद्र मोदींनी फ्लॉप सिनेमा चालवला आणि लोक 'मन की बात' ऐकून ऐकून थकले. आता भाजप सरकार बदलण्याची वेळ आली आहे,' असा हल्लाबोल काँग्रेस अध्यक्ष राहुल गांधी यांनी पूर्णिया येथील सभेत केला. 'जेव्हा तुमचे पंतप्रधान भेटायला येतील तेव्हा विचारा की तुम्ही १५ लाखांसंदर्भात लोकांची फसवणूक का केली? दोन कोटी रोजगारांचं खोटं आश्वासन का दिलं?

Rahul Gandhi: राहुल गांधी केरळमधून निवडणूक लढवणार?

तिरुवनंतपूरमकाँग्रेस अध्यक्ष राहुल गांधी अमेठीसह केरळमधील वायनाड लोकसभा मतदारसंघातूनदेखील निवडणूक लढवण्याची शक्यता आहे. दक्षिण भारतात अधिकाधिक जागा जिंकण्याचे लक्ष्य काँग्रेसने ठेवले असून त्यासाठी राहुल गांधी दक्षिण भारतातून उमेदवारी दाखल करू शकतात. आज संध्याकाळपर्यंत चित्र स्पष्ट होण्याची शक्यता आहे. काँग्रेस महासचिव आणि केरळचे माजी मुख्यमंत्री ओमेन चंडी यांनी याबाबत माहिती दिली आहे. राहुल गांधी यांना केरळमधील वायनाड लोकसभा मतदारसंघातून निवडणूक लढवण्याची विनंती करण्यात आली असल्याचे ओमेन चंडी यांनी सांगितले. वायनाड लोकसभा मतदारसंघातून काँग्रेसचे एम. एल.

pinaki ghose: पिनाकी घोष यांनी घेतली लोकपालपदाची शपथ

नवी दिल्लीराष्ट्रपती रामनाथ कोविंद यांनी सुप्रीम कोर्टाचे माजी न्यायमूर्ती पिनाकी चंद्र घोष यांना देशाचे पहिले लोकपाल म्हणून शपथ दिली. याबरोबरच लोकपाल समितीच्या आठ या शपथग्रहण सोहळ्याला उपराष्ट्रपती व्यंकय्या नायडू, पंतप्रधान नरेंद्र मोदी, आणि सरन्यायाधीश रंजन गोगोई उपस्थित होते. न्यायमूर्ती घोष यांनी आंध्र प्रदेश हायकोर्टाचे मुख्य न्यायाधीश, तसेच ते सुप्रीम कोर्टाचे न्यायाधीश होते. न्यायमूर्ती घोष हे राष्ट्रीय मानवी हक्क आयोगाचे सदस्यही आहेत. लोकपाल समितीचे ८ सदस्यपिनाकी यांच्या लोकपाल पदावरील नियुक्तीबरोबचबर न्यायिक सदस्य म्हणून न्या. दिलीप बी. भोसले, न्या.