न्यूझीलंड: हल्ल्यानंतर संहारक हत्यारांवर बंदी

वेलिंग्टनख्राइस्टचर्च येथील एका मशिदीत झालेल्या दहशतवादी हल्ल्यानंतर न्यूझीलंड सरकारने मोठा निर्णय घेत असॉल्ट रायफल आणि सेमी-ऑटोमॅटिक हत्यारांच्या विक्रीवर तत्काळ प्रभावाने बंदी घातली आहे. न्यूझीलंडच्या पंतप्रधान जेसिंडा आर्डर्न यांनी ही घोषणा केली. मशिदीतील हल्ल्यात वापरण्यात आलेल्या सर्व प्रकारच्या सेमीृ ऑटोमॅटिक हत्यारांवर हा नियम लागू होईल असेही त्या म्हणाल्या. याबरोबरच, उच्च क्षमता असलेल्या मॅगझीन आणि रायफलींद्वारे करण्यात येणारा गोळीबार अधिक तीव्र करणारे सर्व डिव्हाइस विकण्यावरही बंदी घातण्यात येत असल्याचे पंतप्रधान अर्डान यांनी जाहीर केले आहे.

सहा महिन्यांत नीरवचे प्रत्यार्पण?

वृत्तसंस्था, लंडनपंजाब नॅशनल बँकेसह अन्य बँकांचे हजारो कोटी रुपये बुडवून ब्रिटनमध्ये परागंदा झालेला हिरे व्यापारी नीरव मोदी याला लंडन पोलिसांनी बुधवारी अटक केली. लंडनच्या वेस्टमिन्स्टर न्यायालयाने त्याला २९ मार्चपर्यंत न्यायालयीन कोठडी सुनावली. सक्तवसुली संचालनालयाने (ईडी) न्यायालयात नीरवविरोधात भक्कम पुरावे सादर केल्याने कमाल सहा महिन्यांत त्याचे प्रत्यार्पण होईल, असा विश्वास भारतीय तपास यंत्रणांनी व्यक्त केला आहे.नीरव मोदी याच्याविरुद्ध फसवणूक व मनी लाँडरिंगप्रकरणात 'ईडी'ने लंडनच्या न्यायालयात याचिका दाखल करून त्याच्या प्रत्यार्पणाची मागणी केली आहे.

भारतापेक्षा पाक अधिक आनंदी

न्यूयॉर्क: भारतीयांची समाधानाची 'पातळी' सातत्याने तळ गाठत असल्याचे चित्र 'युनो'च्या सन २०१९च्या आनंदी देशांच्या यादीतून समोर आले. धक्कादायक म्हणजे जगभरातील १५६ देशांमध्ये सन २०१८च्या तुलनेत भारताचे स्थान सात क्रमांकांनी घसरून १४०पर्यंत खाली आले असून, पाकिस्तानी व बांगलादेशचे नागरिकही भारतीयांहून अधिक आनंदी असल्याचा निष्कर्ष या अहवालात काढण्यात आला आहे.दरवर्षीप्रमाणे 'युनो'ने उत्पन्न, स्वातंत्र्य, विश्वासाचे वातावरण, निरोगी जीवनमान, सामाजिक मदत व सौहार्द या निकषांवर जगभरातील आनंदी, समाधानी देशांची यादी प्रसिद्ध केली.

इंदिरा-प्रियांका सेम टु सेम; पण मोदींनी संपवली घराणेशाही

निवडणूक एक्स्प्रेस......नरेन्द्र नाथ ट्रेन सकाळीच वाराणसीला पोहोचली. निर्धारित वेळेआधी. फलाटावर उतरण्याची तयारी. वाटेत आरडा-ओरडा सुरू. शौचालयामध्ये खूपच घाण असल्याचा राग. आत जिकडे-तिकडे घाणीचं ठिबक सिंचन चालू होतं. घाण शौचालयाबाहेरही वाहत होती. सगळे टीटीईला बोलाविण्याच्या हट्टाला पेटलेले. देशातील सर्वांत लांब पल्याची ही ट्रेन; पण स्वच्छता नव्हतीच. सरकारी स्वच्छ भारत अभियानाचा असा बोजवारा उडालेला. त्यामुळे लोकांचा राग अनावर होत होता. जो लोकांना वळवतो, तोच जिंकतो बरे असो. फलाटावर उतरून चहा घेत होतो. रतलामहून कामाख्याला जाण्यासाठी याच गाडीत चढलेले श्रीनिवास शुक्लही तेथेच चहा पीत होते.

पुन्हा हल्ला झाल्यास महागात पडेल

वृत्तसंस्था, वॉशिंग्टन'पाकिस्तानने 'जैश-ए-महंमद', 'लष्करे तय्यबा' यासारख्या दहशतवादी गटांवर ठोस आणि निर्णायक कारवाई करावी, भारतात आणखी एखादा दहशतवादी झाल्यास पाकिस्तानसमोर मोठ्या अडचणी निर्माण होतील,' असा कडक इशारा अमेरिकेने पाकिस्तानला दिला आहे. पुलवामा हल्ला, त्यानंतर भारताने पाकिस्तानमध्ये घुसून केलेली दहशतवादविरोधी कारवाई आणि पाक सैन्याकडून सातत्याने सुरू असलेल्या कुरापती यांच्या पार्श्वभूमीवर पाकिस्तानला अमेरिकेकडून हा इशारा देण्यात आला आहे. 'पाकिस्तानात सक्रिय असलेल्या जैश-ए-महंमद आणि लष्करे तय्यबा या दहशतवादी गटांवर पाकिस्तान कोणती ठोस कारवाई करतो ते पाहणे महत्त्वाचे आहे.