शर्तींविना भारताने सैन्य मागे घ्यावे ;चीनचा आडमुठेपणा

वृत्तसंस्था, बीजिंग ‘डोकलाम भागातून कुठल्याही अटी-शर्तींविना भारताने सैन्य मागे घेतल्याशिवाय भारताशी कुठलीही अर्थपूर्ण चर्चा होणार नाही,’ असे चीनने पुन्हा एकदा स्पष्ट केले आहे. चीनचे परराष्ट्रमंत्री वँग यी यांनी डोकलाममधील तिढ्याबाबत चीनची भूमिका स्पष्ट केली. वँग यांनी मंगळवारी भारताने चीनच्या हद्दीत घुसखोरी केल्याचे मान्य केल्याचा दावा केला होता. चीनचे परराष्ट्र मंत्रालयाचे प्रवक्ते लू कांग म्हणाले, ‘परराष्ट्रमंत्री वँग यी यांचे वक्तव्य पुरेसे स्पष्ट असून, त्यातून आमची भूमिका स्पष्ट होत आहे.

​ अमेरिकेतील मुस्लिम आशादायी

वृत्तसंस्था, न्यूयॉर्क अमेरिकेच्या अध्यक्षपदाची धुरा डोनाल्ड ट्रम्प यांच्याकडे आल्यापासून आपल्याला संशयाचा सामना मोठ्या प्रमाणावर करावा लागला आहे, असे अमेरिकेतील मुस्लिमांनी एका सर्वेक्षणामध्ये सांगितले आहे. मात्र, त्याच वेळी वैयक्तिक पातळीवर अमेरिकी नागरिकांकडून पाठिंबाही मिळाला असल्याचेही ते सांगतात. भविष्यात अमेरिकी समाजामध्ये आपल्याला पूर्णपणे स्वीकारले जाईल, असा विश्वासही त्यांनी व्यक्त केला. प्यू रिसर्च सेंटरने हे सर्वेक्षण नुकतेच प्रसिद्ध केले आहे. त्यामध्ये सुमारे ७५ टक्के मुस्लिमांनी ट्रम्प आपलेसे वाटत नसल्याचे सांगितले आहे.

चिनी हद्दीत प्रवेश केल्याचे भारताला मान्य असल्याचा दावा

वृत्तसंस्था, बीजिंग चिनी सरकारची प्रसारमाध्यमे आणि चीनच्या राजकीय वर्तुळातून सिक्कीम येथील तिढ्याबाबत भारताला सातत्याने धमकावणे सुरू असताना चीनच्या परराष्ट्रमंत्र्यांनीही या शब्दच्छलामध्ये उडी मारली आहे. ‘चीनच्या हद्दीत प्रवेश केल्याचे भारताने मान्य केले असून, हा तिढा सुटण्याचा मार्ग हा डोकलाम भागातून भारताने सैन्य मागे घेणे हा आहे’, असा दावा चीनचे परराष्ट्रमंत्री वँग यी यांनी केला. वँग यी यांनी बँकॉकमध्ये हे वक्तव्य केले. ते म्हणाले, ‘दुसऱ्या शब्दांत सांगायचे, तर भारताने चीनच्या हद्दीत प्रवेश केल्याचे मान्य केले आहे.

डोळ्यांच्या हालचाली ओळखणार ऑटिझम

वृत्तसंस्था, न्यूयॉर्क डोळ्यांच्या वेगवान हालचालींची चाचणी करून एखाद्या व्यक्तीला ऑटिझम अर्थात स्वमग्नता आजार आहे किंवा नाही याबाबत माहिती मिळू शकते, असे संशोधन करण्यात आले आहे. भावनिक आणि सामाजिक विकासासंदर्भात महत्त्वाचा असलेल्या मेंदूच्या मागील भागातील (पार्श्वपाली) हालचाली या चाचणीद्वारे समजू शकतात. रोचेस्टर मेडिकल सेंटर विद्यापीठाचे जॉन फॉक्स याबाबत म्हणाले, ‘डोळ्यांच्या हालचाली, त्यांचा वेग या आधारे मेंदूतील महत्त्वाच्या पेशींमधील बदल अभ्यासता येतात. डोळ्यांच्या हालचालींचा अभ्यास करून ऑटिझमबाबत निरीक्षण नोंदवता येते.

गेल्या पंधरा वर्षांत वाढला देशातील पाऊस

वृत्तसंस्था, बोस्टन गेल्या १५ वर्षांमध्ये भारतातील पावसाचे प्रमाण हळूहळू वाढत गेले आहे. त्यामुळे मध्य आणि उत्तर भारतातील दुष्काळी परिस्थितीत परिवर्तन झाल्याचे येथील ‘मॅसॅच्युसेट्स इन्स्टिट्यूट ऑफ टेक्नॉलॉजी’ने (एमआयटी) केलेल्या अभ्यासात आढळले आहे. भारतातील पावसाचे प्रमाण वाढण्यामागे येथील जमीन आणि समुद्रावरील तापमानात अदलाबदल झाल्याचे प्रमुख कारण असल्याचे या अभ्यासात नमूद करण्यात आले आहे. ‘नेचर क्लायमेट चेंज’ या जर्नलमध्ये ही माहिती प्रसिद्ध करण्यात आली आहे. त्यानुसार, सन १९५० ते २००२ या कालावधीत मध्य व उत्तर भारतात पडणाऱ्या पावसाचे प्रमाण दर वर्षी कमीकमी होत गेले.