US shutdown :‘शट डाउन’वर सिनेटमध्ये मतदान

वृत्तसंस्था, वॉशिंग्टनअमेरिकेत 'शट डाउन' आता दुसऱ्या महिन्यामध्ये पोहोचले असून, त्यावर मार्ग काढण्यासाठी एक प्रस्तावावर मतदान घेण्याचे अमेरिकन सिनेटमधील नेत्यांनी मान्य केले आहे. मात्र, या मतदानानंतरही कोंडी फुटण्याची शक्यता कमी असल्याचे मानण्यात आहे.अवैध स्थलांतर रोखण्यासाठी अमेरिकेचे अध्यक्ष डोनाल्ड ट्रम्प यांनी मेक्सिको सीमेवर भिंत बांधण्याचा प्रस्ताव दिला आहे. यासाठी कोट्यवधी डॉलरच्या निधीचीही त्यांनी मागणी केली आहे. मात्र, अमेरिकन काँग्रेसमधून त्याला विरोध असून, प्रतिनिधीगृहामध्ये विरोधी डेमोक्रॅटिक पक्षाचे बहुमत आहे.

‘अमेरिकेसमोरील धोक्यात वाढ’

वॉशिंग्टन : सातत्याने गुंतागुंतीच्या होणाऱ्या आणि अनिश्चित जग अमेरिकेसमोर आहे. त्यामुळेच, अमेरिकेसमोरील धोकाही तितकाच वैविध्य आणि परस्परांशी जोडणारा आहे, असा इशारा अमेरिकेच्या 'नॅशनल इंटेलिजन्स'चे संचालक डॅनियल कोट्स यांनी दिला आहे. या धोक्यांमध्ये महाविनाशकारी अस्त्रांच्या तस्करीपासून हिंसक मूलतत्त्ववाद, आंतरदेशीय संघर्ष आणि प्रादेशिक अस्थिरता यांचा समावेश आहे, असे त्यांनी सांगितले. रशिया, चीन, उत्तर कोरिया, इराण यांसह अनेक वर्षांपासून शत्रू असणाऱ्या देशांबरोबरच दहशतवादी गट आणि अन्य 'नॉन स्टेट अॅक्टर'कडून धोका असल्याकडेही त्यांनी लक्ष वेधले.

kamala harris: कमला हॅरिस यांचे २४ तासांत दहा लाख डॉलर

वृत्तसंस्था, वॉशिंग्टनअमेरिकेच्या अध्यक्षपदाच्या निवडणुकीमध्ये इच्छुक असल्याचे जाहीर केल्यानंतर, भारतीय वंशाच्या कमला हॅरिस यांनी २४ तासांमध्ये १५ लाख डॉलरचा निधी उभा केला आहे.कमला हॅरिस डेमोक्रॅटिक पक्षाकडून उमेदवारी मिळविण्यासाठी प्रयत्नशील असून, त्यांनी दोन दिवसांपूर्वीच याची घोषणा केली. त्यानंतर ३८ हजार दात्यांनी १५ लाख डॉलरचा निधी दिल्याचे त्यांनीच ट्विटरवर जाहीर केले आणि समर्थकांचे आभार मानले आहे. विशेष म्हणजे, पहिल्या १२ तासांमध्येच हा निधीचा आकडा १० लाख डॉलरवर पोहोचला होता आणि यातील प्रत्येक दात्याने सरासरी ३७ डॉलरचा निधी दिला होता.

nawaz sharif : शरीफ यांची प्रकृती चिंताजनक

वृत्तसंस्था, लाहोरपाकिस्तानचे माजी पंतप्रधान नवाझ शरीफ (वय ६९) यांची प्रकृती अतिशय चिंताजनक असून त्यांना तातडीने रुग्णालयात दाखल करण्याची गरज आहे, असे शरीफ यांच्या डॉक्टरांनी बुधवारी सांगितले. शरीफ सध्या लाहोर येथील तुरुंगात असून हृदयाशी संबंधित विकार बळावल्यानंतर डॉक्टरांनी रुग्णालयात दाखल करण्याचा सल्ला दिला आहे.शरीफ यांना सात वर्षांच्या तुरुंगवासाची शिक्षा झाली आहे. हृदयाशी संबंधित आजार बळावल्यानंतर त्यांना मंगळवारी रुग्णालयात दाखल केले होते. पण, वैद्यकीय चाचण्या झाल्यानंतर त्यांना पुन्हा तुरुंगात आणण्यात आले.

शी यांचा निवडणुकीपूर्वी भारत दौरा नाही

बीजिंग : भारतात होणाऱ्या निवडणुकीपूर्वी तेथे भेट देण्याचा कोणताही प्रस्ताव नसल्याचे चीनने बुधवारी म्हटले आहे. जपानमधील निकेई एशियन रिव्ह्यू या माध्यमाने याबाबतचे वृत्त प्रसिद्ध केले होते. अमेरिकेबरोबरचा राजनैतिक संघर्ष तीव्र होत असल्याने चीनचे अध्यक्ष शी जिनपिंग हे फेब्रुवारीत भारताला भेट देणार असल्याचे त्यात म्हटले होते. त्यावर स्पष्टीकरण देताना चीनच्या अधिकृत सूत्रांनी या वृत्ताचा इन्कार केला. निवडणुकीपूर्वी भारताला भेट देण्याचा कोणताही प्रस्ताव नाही. निवडणूक झाल्यानंतर आणि तेथे नवे सरकार स्थापन झाल्यानंतर शी हे भारताला भेट देऊ शकतील, असे सू्त्रांनी सांगितले.