IPL 2019 : चेन्नई विरुद्ध बेंगळुरू सामना

आयपीएलच्या १२ व्या पर्वतील पहिला सामना आज चेन्नई सुपर किंग्ज आणि रॉयल चॅलेंजर्स बेंगळुरू यांच्यात होतोय. चेन्नईच्या संघाचा कर्णधार महेंद्र सिंग धोनी तर बेंगलोरचा कर्णधार विराट कोहली आहे.

IPL: 'आयपीएल'च्या थेट प्रक्षेपणावर पाकमध्ये बंदी

नवी दिल्लीः इंडियन प्रीमियर लीग (आयपीएल) सामन्यांच्या थेट प्रसारणाला पाकिस्तानमध्ये बंदी घालण्यात आली आहे. पाकिस्तानचे माहिती प्रसारणमंत्री फवाद चौधरी यांनी यासंदर्भातील वृत्ताला दुजोरा दिला आहे. पुलवामा हल्ल्यानंतर पाकिस्तान सुपर लीगच्या (पीएसएल) थेट प्रसारणावर भारतात बंदी घालण्यात आली होती. त्याकडे बोट दाखवत आता आयपीएल सामन्यांचे थेट प्रक्षेपण पाकिस्तानात न करण्याचा निर्णय घेण्यात आला आहे.आयएमजी रिलायन्स या भारतीय कंपनीने पीएसएल सामन्यांच्या वैश्विक थेट प्रसारणासंदर्भातील सर्व करारातून माघार घेतली. त्यामुळे स्पर्धा सुरू असताना अन्य कंपनीशी करार करण्यात आला.

csk vs rcb: चेन्नईची विजयी सलामी

वृत्तसंस्था, चेन्नईहरभजनसिंग, इम्रान ताहीर, रवींद्र जडेजा या फिरकी गोलंदाजांच्या अचूक माऱ्याच्या जोरावर चेन्नई सुपर किंग्ज संघाने इंडियन प्रीमियर लीग (आयपीएल) टी-२० क्रिकेट स्पर्धेत शनिवारी रॉयल चॅलेंजर्स बेंगळुरूवर सात विकेटनी मात केली. चेन्नईने बेंगळुरूला १७.१ षटकांत ७० धावांत गुंडाळले. यानंतर विजयी लक्ष्य तीन विकेटच्या मोबदल्यात १७.४ षटकांत पूर्ण केले.चेपॉकच्या एम. चिदंबरम स्टेडियममध्ये ही लढत झाली. लक्ष्याचा पाठलाग करताना शेन वॉटसन शून्यावरच बाद झाला. यानंतर अम्बटी रायुडू आणि सुरेश रैना यांनी अतिशय संयमी फलंदाजी केली. या जोडीने ३२ धावा जोडल्या.

अंजुमन पॉलिटेक्निकला उपविजेतेपद

म.टा. क्रीडा प्रतिनिधी, नागपूरआंतरजिल्हा क्रिकेट स्पर्धेच्या झोनल अंतिम फेरीत नागपूरच्या अंजुमन पॉलेटेक्निक कॉलेज संघ उपविजेता ठरला. अंतिम फेरीत संघाला ब्रह्मपुरीच्या शासकीय तंत्रनिकेतनच्या संघाने पराभूत केले. त्यापूर्वी उपांत्य फेरीत अंजुमन पॉलिटेक्निक संघाने अत्यंत एकतर्फी लढतीत कामठी पॉलिटेक्निक संघाचा दहा गड्यांनी पराभव करत अंतिम फेरीत प्रवेश केला. या कामगिरीबद्दल अंजुमन इ इस्लामचे बशीर अहमद शेख यांनी संघातील खेळाडूंचे अभिनंदन केले.

माझ्या अनुपस्थिचे उत्तर बीसीसीआयकडे

स्टीव्ह स्मिथचे उद्गारवृत्तसंस्था, जयपूरकसोटीत चेंडू कुरतडण्याची शिक्षा म्हणून ऑस्ट्रेलियन क्रिकेट बोर्डाने कर्णधार स्टीव्ह स्मिथ आणि उपकर्णधार डेव्हिड वॉर्नर यांना एका वर्षाच्या क्रिकेटबंदीची शिक्षा सुनावली होती. ज्यानंतर बीसीसीआयने स्वेच्छेने या दोघांनाही आयपीएलमध्ये सहभागी केले नाही. शुक्रवारी याच मुद्यावर स्टीव्ह स्मिथ म्हणाला, गेल्यावर्षी मला आयपीएलबाहेर का काढले याचे उत्तर तुम्हाला बीसीसीआयच देऊ शकेल... ऑस्ट्रेलियन क्रिकेट बोर्डाने सुनावलेल्या बंदीनंतरही हे दोघे आयपीएलसारख्या लीगमध्ये क्रिकेट खेळू शकले असते; पण बीसीसीआयने त्यांना ती संधी नाकारली.