disha vakani: शोमध्ये परतण्यासाठी दयाबेनला ३० दिवसांचा अल्टिमेटम

मुंबई: टीव्हीवरील प्रसिद्ध मालिका 'तारक मेहता का उलटा चश्मा'मध्ये दयाबेनचं पात्र साकारणारी दिशा वकानी ही प्रसूतीनंतर शोमध्ये दिसली नाही. त्यानंतर दिशानं शो सोडल्याच्या चर्चांनाही उधाण आलं. परंतु, आता निर्मात्यांकडून दिशाला ३० दिवसांचा अल्टिमेटम देण्यात आला आहे. या महिन्याभरात तिला शो सोडायचा किंवा नाही याबाबत अंतिम निर्णय घ्यावा लागणार आहे. दिशानं गेल्या वर्षी सप्टेंबरमध्ये मुलीला जन्म दिला. त्यानंतर ती रजेवर होती. काही महिन्यांच्या प्रसूती रजेनंतर दिशा मालिकेत परतणार असल्याचं म्हटलं जात होतं. परंतु, अजूनही ती चित्रीकरणासाठी आली नसल्याने निर्मात्यांनी तिला ३० दिवसांचा अल्टिमेटम दिला आहे.

aamir khan: आमीर खान-किरण रावचा मराठमोळा अंदाज,फोटो व्हायरल

मुंबई:आमीर खान आणि किरण राव यांचे फोटो नेहमीच व्हायरल होत असतात. पण सध्या त्यांच्या एका खास फोटोची चर्चा रंगली आहे. या फोटोत आमीर आणि किरण पारंपरिक मराठमोळ्या पेहरावात आहे. डोक्यावर टोपी, सदरा,लेहंगा घातलेला आमीर तर नऊवारी साडी, नाकात नथ, डोक्यावर पदर घेतलेली किरण राव असा हा फोटो आहे. खुद्द आमीरनं हा फोटो ट्विट करत पत्नीसाठी खास संदेशही लिहिला आहे. 'The cutest in the world... mazi baiko ❤' असं म्हणत त्यानं किरणचं कौतुक केलंय.

Tula pahte re: एप्रिलमध्ये होणार राजनंदिनीची एन्ट्री?

मुंबईःअल्पावधीत लोकप्रिय ठरलेली 'तुला पाहते रे' ही मलिका सध्या यशाच्या शिखरावर आहे. विक्रांत सरंजामेचा खरा चेहरा समोर आल्यानंतर मालिकेला वेगळे वळण लागले आहे. आता मालिकेत लवकरच राजनंदिनीची म्हणजेच शिल्पा तुळसकरची एन्ट्री होणार आहे. खुद्द शिल्पा आणि सुबोधनं याची माहिती दिली आहे.मालिकेत राजनंदिनी नेमकी कधी दिसणार याबाबत उत्सुकता शिगेला पोहचली असताना सुबोध आणि शिल्पा यांनी धुळवडीच्या दिवशी इन्स्टाग्रामवर लाइव्ह येऊन चाहत्यांना ही 'गुड न्यूज' दिली आहे. एप्रिलपर्यंत राजनंदिनी 'तुला पाहते रे' मध्ये दिसण्याची शक्यता असल्याचं सुबोधनं म्हटलं आहे.

amruta khanvilkar: अमृता खानविलकरची छोट्या पडद्यावर एन्ट्री

मुंबई: आपल्या ग्लॅम लूकनं आणि अभिनयानं हिंदी चित्रपटसृष्टीतही आपला ठसा उमटवणारी अभिनेत्री म्हणजे अमृता खानविलकर. मराठी, हिंदी चित्रपटानंतर ती आता छोटा पडदा गाजवायला सज्ज झाली आहे. 'स्टार प्रवाह' वाहिनीवरील 'जिवलगा' मालिकेतून ती पहिल्यांदा मालिकेत झळकणार आहे. 'जिवलगा' मालिकेत मराठीतील सुपरस्टार कलाकारांचा भरणा असणार आहे. या मालिकेच्या निमित्तानं अभिनेता स्वप्नील जोशी तब्बल सात वर्षांनी तर अभिनेता सिद्धार्थ चांदेकर नऊ वर्षांनी छोट्या पडद्यावर दिसणार आहेत. या मालिकेबद्दल सांगताना अमृता म्हणते, 'ही मलिका कोणत्याही चित्रपटापेक्षा कमी नाही.

tula pahate re: ईशा-विक्रांतची पहिली होळी; विक्रांत रंग खेळणार की 'बदलणार'?

मुंबई: 'तुला पाहते रे' मालिकेने अल्पावधीतच प्रेक्षकांच्या मनाचा ठाव घेतला. ईशा आणि विक्रांत यांच्या आयुष्यात विविध घडोमोडी घडत असताना दोघेही धुळवडीच्या रंगात रंगून निघताना दिसणार आहेत. लग्नानंतर विक्रांत आणि ईशाची पहिली होळी आहे. बेडेकर चाळीत धुळवड अगदी उत्साहात साजरी केली जात असल्यानं ईशाचे आई बाबा सरंजामे कुटुंबीयांना आग्रहाचं निमंत्रण देण्यासाठी येतात. त्यांच्या विनंतीला मान देऊन सरंजामे कुटुंबातील सदस्य ईशाच्या माहेरी पोहोचतात. त्यावेळी ईशाला चेहऱ्याला रंग लावलेला कसा आवडत नाही हे ती सांगत असताना विक्रांत येऊन तिला रंग लावतो.