‘पाणी’बाणी धोक्याची

अजय उभारे नवीन वर्षात ‘वॉटर डाएट’ची नवी संकल्पना पुढे आलीय. म्हणजे कुठलेही खाद्यपदार्थ न खाता फक्त पाणी किंवा द्रवपदार्थ पिऊनच राहायचं. पण डाएटच्या नावाखाली केलेली ही ‘पाणी’बाणी धोक्याची ठरु शकते... आपल्या रोजच्या आहारात काय असावं...त्या गोष्टी किती प्रमाणात खाव्यात या गोष्टींबाबत बऱ्याचदा तज्ज्ञांकडून सांगितलं जातं. आपण त्या गोष्टी पाळण्याचा प्रयत्नही करतो. पण नवीन वर्षात ‘वॉटर डाएट’ नावाची संकल्पना पुढे आली असून, ती सोशल मीडियावरही चर्चेचा विषय ठरली आहे. मात्र, काहीही न खाता फक्त पाणी, चहा-कॉफी पिऊन राहणं हे तुमच्या तब्येतीसाठी धोक्याचं ठरू शकतं, असा इशारा आहारतज्ज्ञ देत आहेत.

हवेच्या प्रदूषणामुळे घटतं बाळाचं वजन

चेन्नई : हवेच्या प्रदूषणामुळे आपल्याला निरनिराळ्या आरोग्य समस्यांना सामोरं जावं लागतं, हे सर्वांना ठाऊक आहेच. पण हवेच्या प्रदूषणाचे गर्भातल्या बाळांवरही दुष्परिणाम होतात असं एका अभ्यासाद्वारे नुकतंच पुढे आलं आहे. प्रदूषित हवेमुळे बाळांच्या वजनावर विपरित परिणाम होतो. गरोदर महिला जर प्रदूषित हवेच्या संपर्कात येत असेल, तर प्रत्येक १० मायक्रोग्रॅम / m3 धूलिकणांच्या प्रमाणात बाळाचे वजन ४ ग्रॅमपर्यंत घटते, असं हा अहवाल सांगतो. चेन्नईतल्या अभ्यासकांनी चेन्नई आणि आसपासच्या जिल्ह्यातल्या १२०० गरोदर महिलांचा २०१० पासून अभ्यास केला आणि हा निष्कर्ष काढला आहे.

टी बॅगवाला चहा टॉयलेट सीटपेक्षा अस्वच्छ!

मुंबई : थकवा घालवण्यासाठी सगळ्यात उत्तम उपाय म्हणजे गरमागरम चहा पिणे. अनेक ऑफिसांमध्ये सतत उकळत्या दुधाचा वाफाळलेला चहा मिळणं शक्य नसल्याने 'टी बॅग' वालं मशीन उपलब्ध करून दिलं जातं. हल्ली तर यात विविध फ्लेवर्सही आलेत. पण तुम्ही ऐकून हैराण व्हाल की टी-बॅगवाला चहा एखाद्या टॉयलेट सीटपेक्षा १७ पट अस्वच्छ असू शकतो! ही माहिती आहे 'इनिशीअल वॉशरुम हायजीन' या ब्रिटिश संस्थेच्या एका अहवालातली. हा अहवाल म्हणतो की, एका टॉयलेट सीटवर २२० जीवाणू असले तर ऑफिस टी बॅगवर ३,७८५ जीवाणू असतात! यादीत आणखीही वस्तू आहेत.

आईसाठी व्यायामाचं बाळकडू

नमिता जैन क्लिनिकल एक्सरसाइज, लाइफस्टाइल अॅण्ड वेट मॅनेजमेण्ट एक्सपर्ट मातृत्व हे स्त्रीसाठी जितकं सुखद असतं, तितकंच आव्हानात्मकही असतं. बऱ्याचदा प्रसूतीनंतर बाळाला दूध पाजणं, त्याचे डायपर बदलणं आणि संपूर्ण कुटुंबाची काळजी करण्यामध्येच व्यायाम हळूहळू मागे पडत जातो. पुन्हा पूर्ववत होण्याची प्रेरणा लोप पावते. बऱ्याचदा दिवसाच्या संपूर्ण दिनक्रमात व्यायाम विसरला जातो. अशा नवमातांसाठी या टिप्स... व्यायाम का करावा? व्यायामाला प्राधान्य दिलंच पाहिजे खासकरून प्रसूतीनंतरच्या काळात. हा काळ खूप महत्त्वाचा असतो. कारण गरोदरपणात अशक्त झालेल्या स्नायूंना पुन्हा बळकट करायचं असतं.

हिवाळ्यात सांभाळा त्वचा...

मुंबई टाइम्स टीम समजः कमी क्रीम वापरल्यामुळे त्वचा कोरडी होते. तथ्यः हा अत्यंत चुकीचा समज आहे. कमी किंवा अधिक प्रमाणात क्रीम वापरल्यामुळे त्वचेच्या कोरडेपणावर कुठलाही फरक पडत नाही. थंडीमुळे रक्ताभिसरणाचा वेग मंदावतो, हे त्वचा कोरडी होण्याचं शास्त्रीय कारण आहे. यामुळे शरीराचे तापमान कमी होतं आणि सिवमच्या निर्मितीचा वेगही कमी होतो. सिवम हा आपल्या शरीरातील तैलीय ग्रंथींपासून निघणारा एक घटक आहे. सिवममुळेच आपली त्वचा मऊ आणि चमकदार बनते. हिवाळ्यात शरीराचं तापमान कमी असल्यामुळे सिवम घट्ट होतं आणि ते त्वचेच्या बाहेरील भागापर्यंत पोहोचू शकत नाही. त्यामुळे हिवाळ्यात त्वचा कोरडी होते.