मडगावात बांधकामे पाडली
मडगाव नावेली रेल्वे उड्डाण पुलाखाली असलेली बेकायदा बांधकामे काल मडगाव नगरपालिकेने पोलीस संरक्षणात मोडून टाकली. एक हॉटेल व दोन झोपड्यांचा यात समावेश आहे.
कित्येक तक्रारी त्या बांधकामासंबंधी होत्या. त्या हॉटेलात बारही केलेले होते व त्यात जुगारासारखे प्रकार चालविण्यात येत होते, असा आरोप होता. न्यायालयाच्या आदेशानुसार पालिकेच्या अभियंत्यांनी बांधकाम मोडून टाकले. आणखी काही बांधकामांच्या तक्रारी आहेत. तिही मोडून टाकण्यात येतील असे पालिकेच्या अधिकार्‍यांनी सांगितले.

सीआरझेड बांधकामे पाडण्याच्या नोटिसा मागे का घेतल्या?
हायकोर्टाकडून पंचायतींना विचारणा
किनारी नियमन विभागातील ४२२ बांधकामे पाडण्यासाठी बजावलेल्या नोटिसा मागे घेण्याचा निर्णय कायदेशीर आहे काय? यासंबंधीचे प्रतिज्ञापत्र सादर करण्याचा आदेश मुंबई उच्च न्यायालयाच्या गोवा खंडपीठाने किनारी भागातील पंचायतींना दिला आहे. तसेच नोटिसा मागे का घेतल्या याचे उत्तर देण्यासाठी पंचायतीना एका महिन्याचा अवधी दिला आहे.

काळ्या पैशाच्या तपासासाठी सर्वोच्च न्यायालयाची कडक पावले
विशेष तपास पथक नियुक्त
भारतीयांनी विदेशी बँकांत साठविलेल्या काळ्या पैशाच्या चौकशीसाठी सर्वोच्च न्यायालयाने काल विशेष तपास पथकाची स्थापना केली. या पथकाला विदेश दौरे करून तेथील सरकारी संस्थांकडून भारतीयांच्या तेथील काळ्या पैशाबाबत आवश्यक ती माहिती गोळा करण्यास सांगण्यात आले आहे.
काळा पैसा परत आणण्यासंदर्भात केंद्र सरकार काही पावले उचलीत नसल्याबद्दल सर्वोच्च न्यायालयाने वेळोवेळी आपली नाराजी व्यक्त केली होती.

वाघ यांच्याकडून आणखी तीन राजीनामे
मुख्यमंत्र्यांना लिहिले आणखी एक पत्र
उदयपूरच्या पश्‍चिम क्षेत्र सांस्कृतिक केंद्राची केंद्रीय समिती, गोवा राजभाषा सल्लागार समिती आणि गोवा राज्य चित्रपट महोत्सव सल्लागार समिती अशा तीन समित्यांवरील सदस्यपदांचे राजीनाने काल विष्णू सूर्या वाघ यांनी संबंधित संस्थांकडे सुपूर्द केले. तिन्ही पक्षांच्या राजीनाम्यांसोबत श्री. वाघ यांनी मुख्यमंत्री दिगंबर कामत यांना उद्देशून ‘मार्लीश’ (मराठी-इंग्रजी) भाषेत एक पत्र लिहिले असून त्यात सरकारच्या माध्यम विषयक धोरणाचा निषेध म्हणून आपण या समित्यांवरून बाजूला होत असल्याचे म्हटले आहे.
गेल्या आठवड्यातच श्री.

भजनी पथक प्रमुखांची आज पणजीत बैठक
भारतीय भाषा सुरक्षा मंचाच्या आवाहनानुसार भजनी कलाकारांनी यंदाच्या कला अकादमी आयोजित भजन स्पर्धेत निषेध प्रकटन करण्याचे ठरवले असल्याने गोवा कला अकादमीचे धाबे दणाणले असून आज बुधवार दि. ६ जुलै रोजी सर्व स्पर्धक भजनी पथकांच्या प्रमुखांची एक बैठक दुपारी तीन वाजता दीनानाथ मंगेशकर कलामंदिरात बोलावण्यात आली आहे. यंदाच्या भजन स्पर्धेच्या आयोजनासंदर्भात काही मुद्द्यांवर चर्चा करून महत्त्वपूर्ण निर्णय घेण्याच्या उद्देशाने ही बैठक
बोलावण्यात आली असल्याचे अकादमीच्या यासंदर्भातील पत्रकात म्हटले आहे.

काळ्या पैशांसंदर्भात आज अंतरिम आदेश
उन्हाळी सुटीनंतरच्या पहिल्याच दिवशी सर्वोच्च न्यायालयापुढे आज काळ्या पैशाबाबतची याचिका सुनावणीस येणार असून त्यासंदर्भात अंतरिम आदेश जारी होण्याची शक्यता आहे. एलजीटी बँकेत काळा पैसा ठेवणार्‍या २६ भारतीयांची नावे जाहीर करण्यासंदर्भातील आदेश सर्वोच्च न्यायालय जारी करणार आहे. ही नावे जाहीर करण्यास केंद्र सरकारच्या वतीने विरोध दर्शवण्यात आला आहे. तसे केल्याने स्विस सरकारशी असलेल्या द्विपक्षीय संबंधांना बाधा पोहोचत असल्याचा सरकारचा दावा आहे.

भाषेच्या बाबतीत लोकांनी स्वाभिमानी बनावे : तरुण विजय
भाषेच्या बाबतीत लोकांनी स्वाभिमानी व्हायला हवे, असे भाजपचे राज्यसभा खासदार व पांचजन्यचे संपादक तरुण विजय यांनी काल सांगितले. ‘भारतीयकरण व भारतीय भाषा’ या विषयावर ते बोलत होते. इंग्रजी माध्यमाला अनुदान देऊन कॉंग्रेस सरकार लोकांचे अभारतीयकरण करण्याचा प्रयत्न करीत असल्याचा आरोप त्यांनी केला.