राज्यभरात लाडक्या बाप्पाला निरोप देण्यासाठी भाविक सज्ज

मुंबई: पुढच्या वर्षी लवकर या, असं म्हणत राज्यभरातील सार्वजनिक गणेश विसर्जन मिरवणुकीला आज सुरुवात होत आहे. लाडक्या बाप्पाला निरोप देण्यासाठी मुंबई- पुण्यासह राज्यभर जोरदार तयारी सुरु आहे.
मुंबईत पोलीस आणि महापालिकेकडून गणपती विसर्जनासाठी चौपाट्या सज्ज करण्यात आल्या आहेत. मुंबईत तब्बल 40 हजार पोलीस विसर्जन मिरवणुकीसाठी तैनात करण्यात आले आहेत.
मुंबईत शंभर ठिकाणी गणेश विसर्जनाची सोय करण्यात आली आहे. तसंच अनेक रस्त्यांची वाहतूक बंद ठेवण्यात येणार आहे तर काही रस्त्यांवरची वाहतूक वळवण्यात येणार आहे.

ऑडीची क्यू 7 कार लाँच, किंमत 67.76 लाख

 
मुंबई : ऑडीनं आपली क्यू 7 पेट्रोल व्हर्जन ही नवी कार लाँच केली आहे. प्रीमियम प्लस आणि टेक्नोलॉजी अशा दोन व्हेरिएंटमध्ये ही कार उपलब्ध आहे. या कारची किंमत 67.76 लाख आणि 74.43 लाख (एक्स शोरुम) आहे.
क्यू 7 पेट्रोलमध्ये 2.0 लिटर इंजिन आहे. तसेच यामध्ये 252 पीएस आणि टॉर्क 370 एनएम आहे. यामध्ये 8 स्पीड ऑटोमॅटिक गिअरबॉक्स आहे.
 

 

...म्हणून शार्दूल ठाकूरनं '10' क्रमांकाची जर्सी निवडली!

मुंबई : कोलंबो वनडेत मास्टर ब्लास्टर सचिन तेंडुलकरची ’10’ क्रमांकाची जर्सी घातल्यानं मुंबईचा मध्यमगती गोलंदाज शार्दूल ठाकूरला सोशल मीडियावर बरंच ट्रोल केलं जात आहे.
या संपूर्ण प्रकारानंतर स्वत: शार्दूलनं याबाबत आपली बाजू मांडली आहे. एका मुलाखतीत त्यानं यामागची कहाणी सांगितली.
अंकगणितामुळे आपण हा क्रमांक निवडल्याचं त्यानं स्पष्ट केलं. शार्दूलनं सांगितलं की, त्याच्या जन्म तारखेची एकूण बेरीज ही 10 येते. त्यामुळे जर्सीसाठी 10 नंबर निवडला. शार्दुलचा जन्म 16 ऑक्टोबर 1991 मध्ये झाला आहे.

VIDEO : पुरात वाहून जाणाऱ्या कारमधून दोघांची सुटका

देहरादून : उत्तराखंडमध्ये पावसाचा कहर सुरुच आहे. मुसळधार पावसामुळे नदी आणि नाल्यांना महापूर आला आहे. काही ठिकाणी तर थेट रस्त्यावर पाणी आलं आहे.
 
काल (रविवारी) रस्त्यावरुन एक कार जात असताना अचानक पाण्याचा प्रवाह वाढला. ज्यामुळे ही कार  वाहून गेली. पण वेळीच स्थानिक नागरिक धावून आले. ज्यामुळे कारमधील तरुण तरुणीचाल वाचविण्यात यश आलं.
 

ट्रम्प DSD योजना रद्द करणार, 7000 भारतीय वंशाच्या नागरिकांवर टांगती तलवार

वॉशिंग्टन : अमेरिकेचे राष्ट्राध्यक्ष डोनाल्ड ट्रम्प डेफर्ड अॅक्शन फॉर चिल्ड्रन अरायव्हल (DSD) योजना रद्द करण्याच्या तयारीत आहेत. मंगळवारी यासंदर्भातील घोषणा होण्याची शक्यता आहे. ट्रम्प यांच्या या निर्णयामुळे भारतीय वंशाच्या जवळपास सात हजार अमेरिकन नागरिकांवर प्रत्यर्पणाची टांगती तलवार लटकत आहे.
अमेरिकेचे माजी राष्ट्राध्यक्ष बराक ओबामा यांनी अवैधरितीने अमेरिकेत दाखल झालेल्या मुलांना प्रत्यर्पणपासून बचाव करण्यासाठी DSD योजना सुरु केली होती. अमेरिकेच्या ‘पॉलिटिको’ या वृत्तपत्राने ट्रम्प यांनी ही योजना रद्द केल्याचा दावा केला आहे.